كواكب على الأرض.. كل اللي محتاج تعرفه عن وادي الكواكب في ليبيا
من أغرب الحاجات في ليبيا، ويمكن من الأغرب في العالم كله، وادي الكواكب، اللي أطلقت عليه وكالة ناسا الاسم ده علشان كل صخرة فيه علي شكل كوكب من كواكب المجموعة الشمسية. وكمان الرمل في الوادي متشكل بطريقة بتشبه الفضاء، وهو موجود في ليبيا بالقرب من منطقة العوينات، عند وادي بيعرف باسم “وان تكوفي”، بالمنطقة الممتدة من الحمادة وصولاً لمرتفعات غات.
![](https://ar.scoopempire.com/wp-content/uploads/sites/4/2020/08/وادي-الكواكب-2.jpg)
الصخور الضخمة في الوادي بتساوي حوالي حجم شاحنة، وبيصل متوسط قطر كل صخرة حوالي 10 أمتار تقريبا، والصخور مرصوصة جنب بعض على مسافة 30 كيلو متر تقريبًا.
اللي بيميز الوادي هو إنه أرض صخرية صلبة مفيهاش زرع ولا مياه، لكنه من أجمل المناطق النادرة في المنطقة، وطول ما إنت ماشي فيه هتحس إنك بتاخد لفة بين الكواكب.
![](https://ar.scoopempire.com/wp-content/uploads/sites/4/2020/08/https___i.pinimg.com_originals_ea_ef_c8_eaefc80fac72e40f95078e945d72a9a5-1.jpg)
وبالرغم من جمال الوادي وندرته، بيعتبر من الأماكن الغير مشهورة، وبتجيله زيارات قليلة من السياح، وده بيرجع لموقعه في أقصى الصحراء، ولصعوبة طريق الوصول إليه.