بعد آخر زيادة من فترة، أسعار المترو بتزيد مرة تانية في محاولة لتصغير حجم الدعم في قطاع النقل. وصرح وزير النقل المصري المهندس كامل الوزير إن أسعار خطوط المترو هترتفع وهتطبق الزيادات دي من صباح يوم الإتنين الموافق ١٧ أغسطس ٢٠٢٠.
في الخطوط الأول والتاني، بالنسبة للتذكرة اللي بتشمل ٩ محطات أو أقل فسعرها هيزيد من ٣ جنيه لـ ٥ جنيه، ولو أكتر من ٩ و أقل من ١٦ محطات هيزيد سعرها من 5 جنيه لـ 7جنيه، ولو استخدمت أكتر من ١٦ محطة هيكون سعرها ١٠ جنيه بدلاً من ٧ جنيه،
أما في الخط التالت، فالتذكرة اللي بتشمل ٩ محطات أو أقل هيكون سعرها ٧ جنيه بدل من ٥ جنيه. أما لو ركبت المترو أكتر من 9 محطات وأقل من 16 محطة في الخط التالت فهتدفع 10 جنيه، ولو تضمنت رحلتك أكتر من ١٦ محطة واستعنت بالخط التالت هتكلفك الرحلة ١٢ جنية بدلاً من ١٠ جنية.
ومن سنتين كان سعر تذكرة المترو ثابت وكان ٢ جنيه بس، ولكن دلوقتي الأسعار الآن بتتراوح ما بين الـ٣ جنيه والـ١٢ جنيه. والأسباب وراء ارتفاع أسعار المترو هو لأن تكلفة المترو السنوية بتصل لـ ٨ مليار جنيه مصري ولكن الإيرادات ٤ مليار بس، وده بيخلي وزارة النقل في عجز مادي، وده مع العلم إن المترو بيستخدم كم كبير من الكهرباء ومرتبات العمال اللي لازم يتم دفعها.
آخر كلمة: متفوتوش قراءة: تطوير عالم الصناعة في مصر: افتتاح المدينة الصناعية بالروبيكي.