سجلت إحصاءات الملاحة خلال شهر يناير أرقام قياسية جديدة وغير مسبوقة على مدار تاريخ القناة، بعد ما حققت قناة السويس أعلى إيراد شهري في تاريخها وصل لـ 802 مليون دولار، وبكده تبقى القناة تخطت الإيراد اللي سجلته في شهر أغسطس سنة 2022، بفارق 56.4 مليون دولار حسب اللي قاله الفريق أسامة ربيع، رئيس هيئة قناة السويس.
وأشار رئيس الهيئة إن حركة الملاحة بالقناة خلال شهر يناير 2023 شهدت عبور 2155 سفينة من الاتجاهين، مقابل عبور 1774 سفينة خلال شهر يناير من السنة اللي فاتت، بفارق 381 سفينة بنسبة زيادة وصلت لـ 21.5%، بجانب إن إجمالي الحمولات الصافية وصلت لـ 123.5 مليون طن مقابل 106.2 مليون طن خلال شهر يناير 2022، بفارق حوالي 17.3 مليون طن وبنسبة زيادة وصلت 16.3%.
المؤشرات غير المسبوقة اللي سجلتها إحصاءات الملاحة بالقناة كانت ضمن استراتيجية تطوير المجرى الملاحي اللي أنتجتها الهيئة على مدار السنين اللي فاتت، بحيث نجحت قناة السويس الجديدة في تحقيق الغرض منها بزيادة الطاقة العددية والاستيعابية للقناة، ورفع تصنيفها العالمي علشان تبقى أقصر وأسرع وأكتر الطرق الملاحية أمانًا، وده حسب اللي وضحه رئيس الهئية.
قناة السويس هي أقصر طرق الشحن بين أوروبا وآسيا، وبتعتبر إيراداتها واحدة من المصادر الرئيسية للعملة الصعبة في مصر، ولو نفتكر إن قناة السويس حققت السنة اللي فاتت إيرادات بقيمة 8 مليار دولار، وكانت هي الأعلى في تاريخها، بحسب بيان سابق من الهيئة.