أصيب أهل حدائق الأهرام بذُعر بعد تسلل قرود هاربة للبلكونات والشبابيك والأشجار، وده اللي خلى محافظة الجيزة تشكل لجنة من مديرية الطب البيطري وحديقة الحيوانات بالجيزة، لضبط القردين اللي هربوا من أحد السكان، حرصًا على عدم تعرض المواطنين لأي أذى.. ولحد دلوقتي، لسه بتتم كتير من عمليات البحث علشان يوصلوا لمكان القرود وعلشان بعد كده يتحفظوا عليها.
بَلَغ سكان محافظة الجيزة عن الواقعة بعد لما لقوا نسناسين في مناطق مختلفة، وأخطروا مديرية الطب البيطري لتتبع القرود الهاربة من منزل أحد الأشخاص اللي أكد مصدر من الطب البيطري إنه يهوى تربية النسانيس، ولكنهم هربوا منه. فبيتم البحث حاليًا عن نسناسين، بالتنسيق والتعاون مع حديقة حيوان الجيزة، عن طريق التخدير ووضع مادة مخدرة في الطعام اللي هيقدموه لهم، ومن بعدها هيتم نقلهم لحدائق الحيوان.
وقال المهندس بدر عثمان مدير إدارة البيئة بحي الهرم، إن النوع ده من الحيوانات خطير وممنوع اقتناءها، مشيرًا إلى إن اقتناء البعض للقرود في البيت بيشكل خطر، وإن هيتم تحرير المحضر اللازم ضد مالك النسانيس الهاربة وعرضه على النيابة، لاتخاذ الإجراءات القانونية اللازمة حيال الواقعة.
بنتمنى القرود ترجع سليمة للحديقة من غير أي عنف ومن غير ما تسبب الأذى لأي حد.