اتولد المغني المصري حسن الأسمر زيّ النهارده 21 أكتوير في سنة 1959 بالقاهرة، وترجع أصوله لمحافظة قنا، هو من أشهر المغنيين الشعبيين في مصر، كان بيحلم من صغره إنه يكون ممثل ولكن جمعته الصدفة بالغنا، ففي شبابه لقى إعلان لشركة “صوت الجيزة” بيدوروا على أصوات شابة، وأُعجب بيه صاحب الشركة وسجل أول ألبوم ليه، وكانت أغانيه مشهورة بطابعها الحزينة، وبعد كده شهرته ونجاحه دخلوه عالم السينما وشارك في أفلام، ومسلسلات، ومسرحيات زي “رجل ضد القانون”، و”حقد امرأة”، و”بوابة إبليس”، و”أرابيسك”، و”باللو باللو”، وكان بيلحن كمان بعض الأغاني.
توفى حسن الأسمر في 7 أغسطس سنة 2011 بسبب أزمة قلبية في القاهرة، كان مشهور بخفة دمه، وحب الناس ليه، وكان مشجع أهلاوي، وبيحب يشرب الشاي بالحلاوة الطحينية علشان أحباله الصوتية.. فتعالوا نسمع أحلى وأشهر أغانيه.
سألوني أنا مين
يا خوفي
بحلم
إتخدعنا
متشكرين
قراءة المزيد