في أسئلة وجودية بنطرحها بالليل قبل ما ننام وأول ما نصحى الصبح ولحد دلوقتي مش عارفين نرد عليها، وبعدين ظهرت لنا كمان الأسئلة الوجودية اللي قدمتها لنا الأغاني وكانت سبب في حيرة وسهر الليالي في بعض الأحيان، زي اللي هنشارككم بيها في الليستة دي.
أهرب من قلبي أروح على فين؟
“وصفولي الصبر لقيته خيال وكلام في الحب يا دوب يا دوب ينقال.. وأهرب من قلبي أروح على فين ليالينا الحلوة في كل مكان؟” سؤال طرحته كوكب الشرق أم كلثوم في أغنيتها المعروفة “ودارت الأيام”، وعرضت من خلالها مشكلة الحبيب اللي مش عارف الطريقة اللي يقدر من خلالها يهرب من مشاعر محبوبته.. ألا صحيح الواحد يهرب من قلبه يروح على فين؟
وهي عاملة إيه دلوقت؟
مرت سنين طويلة ومش عارفين حبيبة عمرو دياب عاملة إيه دلوقت؟ ومين هون عليها الوقت؟ وكانت الحيرة الأكبر لما قال “أروح لها وأصحالها.. أجيلها ولا مش دلوقت؟” فهل عمرو دياب راح لها في الآخر ولا قال فعلا “مش دلوقت”؟
طب ليه بيداري كده؟
دي كانت أعمق أسئلة سألتها روبي، مجموعة من الأسئلة صدمتنا بيها وسابتنا من غير إجابة “طب ليه بيداري كده ولا و داري كده ولا ندالي كده ولا نده؟ليه حيرني وليه بيهجرني أنا، ولا بجيش على باله كده؟” بس تفسيرنا الوحيد أن الشخص اللي عامل كل ده وسايب الأمور متبعترة من قرار واضح يبقى توكسك.
أعاتبك على إيه ولا إيه ولا إيه؟
بيقول محمد محي “أعاتبك على إيه ولا إيه ولا إيه على الويل ولا الجراح ولا عمري اللي راح، ولا على نن عيني اللي أنت قسيت عليه” وإحنا الحقيقة ماعندناش رد يا محي لأن الشخص ده مايستحقش نعاتبه أصلًا.
آخر كلمة: ماتفوتوش قراءة: مناشدات من الفنانة سميحة أيوب: ما حقيقة هدم المسرح العائم؟