الفيلم المصري القصير “الترعة” “The Call Of The Brook” للمخرج جاد شاهين هينافس في المسابقة الرسمية بمهرجان كان السينمائي في قسم LA CINEF والمقرر إقامته في الفترة ما بين 16 وحتى 27 مايو الجاي.
الفيلم بيدور عن قصة شاب صعيدي بيروح لترعة ملعونة وبيشوف هناك حاجة غريبة بتدفعه للتشكيك في كل شيء وبتخليه يعجل بمصيره المحتوم. والفيلم من بطولة محمود عبد العزيز وهبه خيال وسارة شديد، والفيلم يعتبر إنتاج مصري إنجليزي مشترك بين جاد شاهين وأحمد نهلة وفرانسيس كلارك ومن إخراج جاد شاهين.
جاد شاهين المخرج المصري حكى لنا: “بدأت دراسة الإخراج السينمائي في المعهد العالي للسينما في ٢٠١٨ بعد ما درست الإعلام. واشتغلت في بداياتي مع المخرج المصري الكبير يسري نصر الله كمساعد مخرج قبل ما ابدأ في العمل على فيلمي القصير “الترعة” “The Call Of The Brook” .
وعن الفيلم قال: ” سعيد جدًا بمشاركة فيلمي الأول في المسابقة الرسمية في واحد من أهم وأكبر المهرجانات العالمية، وسعيد بتواجد الأفلام المصرية فيه السنة دي، وفيلم الترعة هو ثاني المشاركات الرسمية للأفلام المصرية في قسم LA CINEF منذ افتتاحه في 1998، وكانت أول المشاركات الرسمية سنة 2014″.