أغاني محمد منير هي واحدة من الحاجات القليلة جداً اللي بيتفق عليها الأجيال مهما كانت مختلفة. الكل بيحبه وبيعشق أغانيه اللي دايماً بتطلع من القلب، ولما بيطُل علينا بألبوم جديد بعد غياب طويل بيبقى حدث ميتنسيش أبداً.
وده اللي حصل لما نزل آخر ألبومات الكينج “وطن” اللي عمله بعد غياب طويل ونزله على شكل أغنيات منفردة واحدة كل 10 أيام. حفلة إطلاق الألبوم ده كانت واحدة من حفلات منير اللي متتنسيش لأنها كانت بعد غياب أكتر من سنة عن الحفلات اللايف، وكانت مليانة مفاجآت كتيرة زي إنه اتبرع بجزء من إيراداته لعلاج مصابين حادثة محطة مصر وقتها، وإنه غنى مع أمينة أغنية وسط الدايرة.
الحفلة كانت في فاملي بارك، القاهرة الجديدة، وكانت من تنظيم TRI Motion اللي هي واحدة من أجدد شركات تنظيم الحفلات في مصر، ودي شوية من صور اليوم اللي مستنين بفارغ الصبر إنه يتكرر تاني قريب:
