قررت السلطات السعودية السماح للسيدات بارتداء البكيني على الشواطئ السعودية، بعد ما فضلت لسنين طويلة حكر للأجانب بس. ففي شاطئ “بيور بيتش” المتواجد في مدينة الملك عبدالله الاقتصادية بتسمح للنساء السعوديات بارتداء البكيني، وتدخين الشيشة. وبالليل بتشتغل الأغاني على المسرح الموجود في الشاطئ، وبيسمح الاختلاط بالنساء والرجال.. ومش بيتم التأكد من وجود صلة زواج بين الأفراد المتواجدة، ولكن بيتم سحب التليفونات حفاظًا على الخصوصية وفقًا لدويتشيه فيليه.
السنين اللي فاتت، كان للنساء السعوديات شواطئ خاصة بيهم فقط “Ladies only”.. وكان في بعض الشواطئ المختلطة ولكن كان مسموح بدخول الأجانب بس. ولقى الخبر ده استحسان بعض السكان السعوديين والسياح اللي شافوا إن ده تطور وانفتاح مطلوب، علشان تحصل السيدات السعوديات على الحرية، وفي اللي كان غاضب من القرارات الجديدة نظرًا لكون السعودية مدينة محافظة بطبعها، واستمرت لسنوات على النحو ده.
لكن من سنة 2017 بعد ما بقى الأمير محمد بن سلمان ولي العهد، حصل تغييرات كتير في ما يخص ملف السيدات، زيّ السماح للستات بقيادة السيارات، وكمان بقيت بتُقام الحفلات الغنائية والسماح باختلاط بين الستات والرجال، بالإضافة لتقلص صلاحيات هيئة الأمر عن المعروف والنهي عن المنكر. ودي خطوة كبيرة إيجابية من السعودية في حق المرأة.