عاجل: تعديلات قوانين حظر التجوال لشهر رمضان
النهاردة، يوم واحد قبل الشهر المبارك، رئيس الوزراء المصري مصطفى المدبولي أعلن تعديلات قوانين الحظر لشهر رمضان المبارك اللي كلنا كنا مستنينها بفارغ الصبر. التعديلات دي هدفها إنها تدي فرصة للمصريين لممارسة حياتهم في رمضان بس في نفس الوقت يكون في معايير للسلامة عشان نمنع انتشار عدوى “كوفيد-19”.
التعديلات اللي الوزير أعلنها -وهتطبق بدايةً من بكرة، يوم الجمعة- الحظر هيبدأ من الساعة 9 مساءًا و يخلص الساعة 6 صباحًا، والمولات التجارية هتشتغل طوال أيام الإسبوع حتى الساعة 5 مساءًا، أما بالنسبة للمطاعم فهتفضل قافلة أبوابها لكن خدمة التوصيل للمنازل شغالة. الوزير أعلن إن بعد عيد الفطر، الإجرائات الاحترازية هتبدأ تقل في شدتها والحياة هترجع للطبيعي تدريجيًا عشان عجلة الاقتصاد تدور تاني، لكن ده مش هيمنع إن هيكون في عدد من القواعد عشان السلامة العامة.
رئيس الوزراء أعلن إن عدد الحالات من المتوقع إنه هيزيد في الأسابيع الجاية، وإنه هيتابع الوضع وهيبلغ المصريين بالمستجدات في بيان تاني خلال الشهر الكريم.