شيخ الحارة ليه؟ اختارناه ما بين كل البرامج الرمضانية؟
ليه بنتفرج على شيخ الحارة؟ ففي الخمس سنوات اللي فاتت، رامز جلال كان مسيطر على برامج شهر رمضان، وبالذات في وقت أذان المغرب، فماكانش في حد يقدر ينافسه سواء في النوع أو في وقت العرض، لغاية ما شوفنا برنامج شيخ الحارة على قناة القاهرة والناس بينافس رامز في نجاحه وبيفرض نفسه على خريطة البرامج الناجحة، وهي تعتبر مغامرة طارق نور متعود عليها ومراهن على نجاحها وعلى قدرة البرنامج على المنافسة.
وده اللي شوفناه في حلقة امبارح على قناة القاهرة والناس مع شيخ الحارة والجريئة مع ضيفة الحلقة ريهام سعيد اللي بقيت تريند على مواقع السوشيال ميديا والناس كلها اتكلمت عنها، واللي الجزء التاني من الحلقة لسه هيتعرض النهارده واللي أكيد مانقدرش نفوته، كانت بتجاوب على أصعب الأسئلة، وبتكشف أسرار لأول مرة بجرأة وصراحة، فكشفت عن أسرار خلافها مع الفنانة ريم البارودي، وكواليس اعتذارها بالفنانة زينة، وردت على الهجوم اللي اتوجهلها بعد إذاعة حلقة مرضى السمنة وصيد الثعلب، ففي الحلقتين دول هنشوف ونسمع حاجات عمرنا ما كنا نعرفها عن ريهام سعيد، فنقدر نقول إنهم هيكونوا حلقتين من “العيار التقيل”.
ولكن اللي لفت نظرنا امبارح هو ريهام سعيد وهي بتتكلم عن مرضها واللي كان صديد في أنفها وفضل يتطور وخلى الدكاترة تحتار فيه، فهي حاولت تعالج فيها ييجي 3 مرات وشالت غضاريف ودانها علشان تقدر تحقق العلاج ده، ولكن ده بعد صراع طويل، وقالت كمان على خلافها مع ريم البارودي والكلام اللي بيتقال عن غيرتها منها هو “كلام أهبل” وإن مفيش حد أحسن منها وإنها ماقبلتش ريم غير 6 مرات بس ومفيش بينهم لا صداقة ولا عشرة، وكمان قالت إنها رفعت قضية جنح على الفنانة ريم البارودي بتهمة السب والقذف والطعن في الأعراض. وكمان قالت إن كلامها في حلقة مرضى السمنة كان للتوعية فقط.
كمان عرفنا من ريهام سعيد إنها حاولت أكتر من مرة الاعتذار للفنانة زينة ولكن زينة رفضت كل المحاولات دي والموضوع تطور كمان لمحاولة اذلالها والمبالغة في طلب شكل الاعتذار. ولما وصفتها إيناس الدغيدي بـ”بتاعة مشاكل” خلى ريهام تنفعل وتقول إن ده بيسبب الأذى ليها ولأسرتها ولسمعتها،
يا ترى الحلقة الجديدة هتكون مخبية لنا إيه؟
برنامج “شيخ الحارة” بقاله خمس سنين بيحقق نجاح غير مسبوق، فاماكانش ييجي على بال أي حد إن برنامج حواري يقدر ينافس برنامج مقالب، ولكنه قدر إنه يحجز مكانه بقوة على سفرة مشاهدة رمضان وكمان قدر ينتشر في كل حتة.