خلود الفضلي دخلت موسوعة غينيس بأكبر خريطة للعالم من أغطية البلاستيك

نجحت الناشطة البيئية خلود الفضلي إنها تقدم نموذج متميز لكل شابة عربية طموحة، وده بدخولها موسوعة غينيس للأرقام القياسية بأكبر لوحة “موازيك” في العالم أو أكبر خريطة في العالم مصنوعة من أغطية البلاستيك. وجيه الإنجاز ده لتحقيق أهداف متعلقة بالبيئة ولتسليط الضوء على أهمية العمل التطوعي، وكان تحت شعار “نجمع الأغطية النهارده ننقذ الأرض بكره”.

كلمة الموازيك بيقابلها في اللغة العربية (فسيفساء) واللي معناها الحاجات الصغيرة اللي ممكن تكون منها لوحة أو جدارية كاملة، وهنا المقصود بيها الأغطية البلاستيكية اللي كونت منها خلود خريطة العالم بأكتر من 300 ألف غطا بلاستيك.

المشروع ده اتنفذ خلال أربعين يوم وعلى مساحة 250 متر مربع واستخدمت فيه خلود أكتر من 300 ألف غطا بلاستيك علشان ترسم شكل خريطة العالم على أرض مدرسة المعرفة العالمية في جدة، واللي تعتبر من ضمن أهداف الاستدامة في الحفاظ على البيئة وإبراز رؤية السعودية 2030.

ومن المعروف عن خلود الفضلي إنها بتدعم البيئة من خلال مشروعها ومن خلال المشاركة في الأيام العالمية المرتبطة بالبيئة زيّ اليوم العالمي للحفاظ على المحيطات، مش بس كده هي بتشجع كمان على إنهم يتطوعوا لخدمة المجتمع ويشاركوا في المبادرات المجتمعية. ده غير إنها بعتت كل الأغطية البلاستيكية لمصانع لإعادة التدوير علشان البرامج الخيرية تستفيد من مكسبها.

أخر كلمة: ماتفوتوش قراءة: بأكبر لوحة مرسومة بالقهوة، أول فنانة سعودية في موسوعة جينيس

تعليقات
Loading...