حول الهوية: لأول مرة في مصر الفنان هشام سليم بيتكلم عن إبنه المتحول جنسياً في برنامج تليفزيوني

0

لأول مرة على الإطلاق، إتكلم الفنان هشام سليم بانفتاح وقال “بنتي نورا بقت إبني نور” داعماً قرار إبنته نورا وتحولها جنسياً لشاب بإسم نور. كلام هشام سليم كان جزء من مقابلته مع المخرجة المصرية إيناس الدغيدي اللي بتقدم البرنامج الرمضاني “شيخ الحارة” على قناة “القاهرة والناس”.

هشام سليم شرح إن إبنته دلوقتي في طريقها للتحول لذكر، وأضاف إن نور اللي عنده 26 سنة اتكلم بصراحة معاه عن الموضوع ده لما كان عنده 18 سنة، ومن ساعتها وهو بيديله كل الدعم اللي محتاجه علشان يشجعه يعيش بالطريقه اللي هو عاوزها ويلاقي نفسه في النهاية.

فيديو تصريحات هشام سليم انتشر بشكل كبير على السوشيال ميديا بعد عرض الحلقة امبارح، وردود الفعل عليه كانت اغلبها بتحيي الأب على شجاعته إنه يتكلم عن الموضوع ده بأريحية، وعلى دعمه لإبنه مهما كانت النتيجة.

برنامج “شيخ الحارة” كانت بتستضيفه في السنين اللي فاتت بسمة وهبة، وعلى مدار سنين عرضه أثار جدل كبير بمواضيعه، وتم انتقاده بشده في موسمه اللي فات رمضان 2019 على تخطيه خصوصية الضيوف، وعرض حياتهم الشخصية بجرأة كبيرة على العامة.

آخر كلمة: قولنا رأيك في التعليقات.

تعليقات
Loading...