أطلقت جوجل برنامج لدعم خطة التحول الرقمي في مصر بقيمة 9 مليون دولار من خلال برامج تدريبية تكنولوجية جديدة. التحول الرقمي، اللي أصبح ضرورة بتتجه ليها الدولة خصوصًا بعد جائحة فيروس كورونا المستجد، دفع الناس للجوء إلى الإنترنت في جميع نواحي الحياة، والدولة بتدعمه لمواكبة الثورة الصناعية الرابعة والتطور التكنولوجي، وللتخلص من الإجراءات الروتينية.
البرامج التدريبية من المتوقع إنها تساعد حوالي مليون شركة وفرد على تعلم المهارات التكنولوجية الرقمية اللي بتمكنهم من تطوير أعمالهم، وده هيتم قبل نهاية سنة 2021، وجوجل هتقوم بتمويل الحكومة والشركات عن طريق منح بقيمة 9 مليون دولار، أما الشركات الصغيرة، فتم تخصيص 4 مليون دولار هيتم دعمهم بيها على شكل منح وقروض مالية. البرنامج في مصر هيركز على دعم الشركات الصغيرة ورواد الأعمال عن طريق تدريبهم على القيام بأنشطة تجارية على الإنترنت، وتأمين الدعم المالي لهم.
الدعم ده هيتم بالتعاون مع شركة Kiva International، لتقديم قروض للشركات المصرية الصغيرة، بتمويل يتراوح بين 200 و5000 دولار، والقروض ممكن يتم سدادها على سنتين كحد أقصى، في الوقت اللي بتشهد فيه قطاعات العمل أزمة وحوالي 6 مليون وظيفة في العالم العربي معرضة للخطر بسبب الوباء، وده أدي للجوء إلى تطوير البرمجيات وارتفاع الطلب على المتخصصين في المجال الرقمي، اللي أصبح ضرورة في عصر فيروس كورونا.