لسه الأهلي متصدر في جدول ترتيب الدوري المصري الممتاز، وده بعد ما خلصت مباريات أمس الاتنين، اللي لعب فيها خصمه الأبرز الزمالك ضد نادي المقاولون العرب.
وقدر المارد الأحمر يحقق الفوز على نادي سموحة بهدفين من غير ما سموحة يحقق أي أهداف، وسجل أهداف الأهلى اللاعب محمد شريف ومحمود عبد المنعم كهربا، وقدم الحكم كارت أحمر عقابًا للاعب محمد الشناوي.
أما الزمالك، فمكانش محظوظ في المباراة، وللمرة التانية يخرج بالتعادل في مباراته مع المقاولون العرب بنتيجة 2-2.
والسؤال اللي كل الناس بتسأله اليوم بعد النتايج الأخيرة دي، إيه هو ترتيب الدوري المصري؟
قدر النادي الأهلي يحقق أعلى أرقام في الدوري المصري، واتصدر قايمة جدول الدوري بـ 53 نقطة، وبفارق خمس نقط عن النادي اللي جيه بعده.
وبعد الأهلي على طول، كان نادي فيوتشر هو تاني أكتر نادي حقق نقاط في الدوري بـ 48 نقطة، وجيه بعده بيراميدز بـ 43 نقطة، وفي المركز الرابع حقق نادي الزمالك 40 نقطة.
أما نادي غزل المحلة، فجيه في آخر جدول الدوري المصري بـ 30 نقطة، وقبله جيه نادي سموحة اللي حقق 31 نقطة، بفارق نقطة واحدة.