امبارح الاتنين، 10 من شهر أبريل 2023، قامت المباراة الفاصلة بين النادي الأهلي ضد نادي بيراميدز في نهائي كاس مصر لكرة القدم.
بتلات أهداف انتهت المباراة الأخيرة في نهائي كاس مصر بين بيراميدز والأهلي، بتتويج المارد الأحمر ببطولة كاس مصر موسم 2021 /2022، بعد ما قدر يحقق فوز مهم ومثير.
فاز الأهلي على بيراميدز بهدفين لهدف خلال المباراة اللي جمعتهم يوم الاتنين في استاد القاهرة في نهائي كاس مصر، كان بيديرها الحكم الدولي أمين عمر.
سجل لاعب فريق بيراميدز وليد الكرتي، الهدف الأول في المباراة في الدقيقية 72، وبعدها بدقيقتين قدر كهربا يسجل هدف التعادل.
وفي الدقيقة الأخيرة من الشوط الأول الإضافي، قدر لاعب النادي الأهلي حمدي فتحي، يحقق الهدف التاني، واللي حقق الفوز للنادي الأهلي، اللي أخد لقب كاس مصر للمرة الـ 38 في تاريخه.
وبكده يبقى الأهلي ضمن المشاركة ضد الزمالك في نهائي كاس السوبر المصري، يوم 5 مايو الجاي، وبيشارك الأهلي بوصفه بطل كاس مصر، أما الزمالك فبيشارك بعد ما أخد لقب الدوري المصري في موسم 2021-2022.
قمة الأهلي والزمالك في كاس السوبر هتقام في العاصمة الإماراتية أبو ظبي. ملعب نهائي كاس السوبر ماتحددش لحد دلوقتي، لكن مجلس أبو ظبي الرياضي باتفاق مع الاتحاد المصري لكرة القدم، هيعلنوا التفاصيل بالكامل قريبًا.