مسلسلات وأعمال درامية جسدت السير الذاتية لشخصيات تاريخية وأبطال في التاريخ، أعمال علمت معانا وأثرت فينا والغريب إن معظم الأعمال اللي جسد فيها الفنانين شخصيات حقيقية، مانعرفش لحد دلوقتي شكل الشخصيات دي كان عامل ازاي، وساعات لما تعرف شكلهم الحقيقي وتقارن بين الممثل اللي عملها وبين الشكل الحقيقي للشخصية تلاقي مفيش أي شبه، وتسأل اشمعنا اختار الشحصية دي بالتحديد علشان تجسد الدور ده؟
بس بتكتشف بعدها إن الموضوع مش بس إنك تختار ممثل شبه الشخصية، لأ ده معيار من ضمن معايير كتير، واللي من ضمنها قدرة الممثل على تأدية روح الشخصية وإنه مايخرجش منها طول العمل الدرامي، وعلى جانب تاني بتكمن أهمية أعمال السير الذاتية لشخصيات مش معروفة إنها بتوثق ليهم إنجازات وبتحفر اسمهم في التاريخ بحروف من دهب.
أبرز شخصيات السير الذاتية بين أشكالهم الحقيقية واختيارات المؤلف
على مصطفى مشرفة
مسلسل اسمه رجل من هذا الزمان، اتكلم عن العالم المصري مصطفى مشرفة أول عالم مصري يحصل على دكتوراة في العلوم وكان ليه نظريات كتير في الكيمياء والذرة، قدم دوره الفنان أحمد شاكر عبد اللطيف.
سامية فهمي
مسلسل اسمه حرب الجواسيس بيتكلم عن حياة الصحفية المصرية سامية فهمي وأدت شخصيتها منة شلبي، وبعد المسلسل ظهرت الشخصية الحقيقية على الساحة وفي وسائل الإعلام وحكت عن قصصها مع الموساد الإسرائيلي.
رأفت الهجان
رأفت الهجان اللي فضل بشخصية ديفيد شارل سمحون حتى بعد وفاته، وعاش مع اليهود سنين وماحدش عرف إنه كان مع المخابرات المصرية لحد حتى بعد ما اتوفى لسنين، أدى دوره بعبقرية محمود عبد العزيز واتعمل تلات أجزاء من المسلسل.
جميلة بوحريد
جميلة بوحريد المناضلة الجزائرية اللي اتعذبت في سجون الاحتلال الفرنسي، أدت دورها ماجدة الصباحي.
جمعة الشوان
الشخصية اللي حاول الموساد الإسرائيلي تجنيدها ولما اتعرف الموضوع قرر الرئيس جمال عبد الناصر تجنيده لحساب المخابرات المصرية وسافر بعدها لإسرائيل، جسد دوره عادل إمام في مسلسل اسمه أحلام الفتى الطائر.
قاسم أمين
أطلقوا عليه أشهر نصير للمرأة وقائد الحركة النسائية في مصر، أدى دوره الفنان كمال أبو رية.