توج البطل الأوليمبي المصري أحمد الجندي، لاعب منتخبنا الوطني للخماسي الحديث، بالميدالية الذهبية لبطولة كأس العالم للخماسي الحديث في منافسات الرجال، واللي استضفتها مصر في ملاعب الجامعة الأمريكية في القاهرة.
والتتويج ده جيه بعد ما احتل الجندي المركز الأول بمجموع نقاط 1516، وفي المركز التانى بطل المجر والمركز التالت بطل التشيك، والمركز الرابع اللاعب المصري مهند شعبان.
وفي لقطة مميزة بعد تتويجه، التقطت عدسات الكاميرا صورة له ولأخوه محمد الجندي، وهو لاعب أوليمبي له بطولاته، مع والدتهم، والمعروف عنها إنها دايمًا بتشاركهم لحظات نجاحهم وبتبقى حريصة إنها تبقى موجودة في كل البطولات علشان تدعمهم، لدرجة إنها صرحت قبل كده إنها استقالت من شغلها علشان تساعد ابنها في التمرين وتأهله للأولومبياد.
البطولة بتقام بمشاركة حوالي 156 لاعب من أبطال الخماسي الحديث من 35 دولة، وكانت هي الافتتاحية لسلسلة كأس العالم، وبتعتبر أولى البطولات اللي بتساهم في جمع النقاط الترتيبية اللي هيجمعها الأبطال خلال السلسلة، بداية من دلوقتي لحد صيف 2024، للتأهل لدورة الألعاب الأولي
مبية باريس 2024. بطولة العالم للخماسي الحديث بيتسابق فيها اللاعبين في خمس تخصصات؛ المبارزة والسباحة وركوب الخيل والرماية والجري.
أما عن اللاعب أحمد الجندي تُوج في 2018 بالميدالية الذهبية في دورة الألعاب الأوليمبية للشباب، والميدالية الذهبية ببطولة العالم للشباب، وفاز بالميدالية الفضية في دورة الألعاب الأوليمبية طوكيو 2020 كأول مصري يحقق ميدالية أوليمبية في الخماسي الحديث.