بعد 37 سنة من “بالحب اتجمعنا والدنيا هتسمعنا والليلة أول أعيادنا” بصوت وأداء عمرو دياب في قلب ستاد القاهرة، مصر هتستضيف دورة الأفريقية 2027 بعد الاستضافة التريخية في 1991، ولو أنت من الجيل الجديد وأول مرة سمعت الأغنية كانت في 2019 بتوزيع موسيقي جديد لدعم المنتخب المصري في كأس الأمم الإفريقية 2019، فاحنا بنرجع بيك بالزمن علشان تعرف أول مرة تنطلق فيها الأغنية.
عمرو دياب لحن الأغنية وقدمها بطريقة أيقونية في عرض مميز في حفل افتتاح دورة الألعاب الإفريقية بـ 3 لغات؛ العربية والفرنسية والإنجليزية، والأغنية في الأصل اسمها “إفريقيا” لكنها اتشهرت بأول كلمتين فيها “بالحب اتجمعنا”، وحققت الأغنية “إفريقيا” شهرة كبيرة وفضلت سنين طويلة هي الأغنية الرسمية للحفلات والعروض الفنية في المدارس.
ومن موقعنا هذا، بنطالب إن عمرو دياب يعيد إحياء الأيقونة دي في حفل افتتاح دورة الألعاب الأفريقية 2027 ومتأكدين إنها هتكون بداية قوية للبطولة والناس هتفضل فاكراها سنين.