الدكتور محمود المتيني رئيس جامعة عين شمس، أعلن عن افتتاح متحف قصر الزعفران في جامعة عين شمس يوم التلات الجاي 9 مايو، علشان قصر الزعفران مفروض يحظى بمكانته التراثية اللي يستحقها، ويتم تقديمه للزوار في صورة متحفية تراثية تعرف الزوار بحقيقة القصر، وكمان يبقى متحف تعليمي لأبناء الجامعة من الطلاب وأعضاء هيئة تدريس والعاملين وغيرهم من زائري جامعة عين شمس.
المتحف بيضم مجموعة مميزة من المعروضات، منها واجهة بوابة مقصورة الأمير (نب ماعت رع) بن الملك رمسيس التاسع (1125-1107 ق.م)، اللي كان في منصب كبير كهنة الشمس (ور ماو) في معبد رع في إيونو، ده غير إنه بيضم مجموعة من النياشين والأوسمة والميداليات التذكارية للمملكة المصرية، في عصر أسرة محمد علي.
ووقع الاختيار على بدروم القصر علشان يكون متحف لعرض قطع أثرية حقيقية كجزء من الدور التعليمي للجامعة مع ربط المتحف بقصر الزعفران وقصته، لإن في فريق عمل متميز قام بوضع تصور للمتحف طبقًا لأحدث أساليب العرض المتحفي بمجموعة آثار متميزة.