الأنفلونسر هو شخص بيستخدم مواقع التواصل الاجتماعي علشان يقدر يأثر إيجابيًا في متابعينه اللي بيكون عددهم كبير جدًا، ففي منهم بيكون من عارضي أو مصممي الأزياء أو المجوهرات، وخبراء تجميل، ومدربين رياضة، وخبراء تغذية، بالإضافة كمان لأصحاب الأعمال الخاصة والمؤثرين من مختلف الدول، وإحنا النهاردة جمعنالكم مجموعة من أشهر الأنفلونسرز السعوديات من المجالات المختلفة.
نجود بنت مشعل
نجود عندها على انستجرام أكتر من مليون ونص متابع، وهي بتشجع فيه البنات إنهم يهتموا ببشرتهم، فبتعرض لمتابعيها أنواع منتجات مختلفة موثوق فيها وهي بتكون مجرباها بنفسها، وبتنصح بحاجات متعلقة بالصحة والجمال بطريقة لطيفة، فهي محبوبة جدًا من جماهيرها.
شهد سلمان
شهد هي عارضة أزياء، عندها على انستجرام ما يقارب المليون متابع، ومعروفة بجاذبيتها وجمالها، وبدأت طريقها من وهي في العشرينات، وبيشبهوها بعارضة الأزياء العالمية “ويني هارلو”، فملامحهم متشابهة، والإتنين مصابين بمرض البهاق الجلدي، ولكن ده ماوقفهاش، فكملت في طريقها، وقدرت تثبت نفسها في عالم الموضة والأزياء.
موديل روز
روز هي عارضة أزياء، وعندها على انستجرام أكتر من 10 مليون متابع، وهي متميزة بشعرها الأشقر، وبيشبهوها بالباربي، وهي وجه إعلاني لماركات عالمية زي Guess، و Sugar Bear Hair.
سما وهيا أبو خضرا
سما وهيا، في الأصل من فلسطين، ولكنهم مولودين في السعودية، وعندهم صداقة بتربطهم بين بيلا وجيجي حديد، وكيندال وكايلي جينير، وهما منسقين موسيقى أو DJ، وعندهم أكتر من مليون متابع على الانستجرام اللي بيعرضوا عليه الأزياء اللي بيروجولها.
هلا العبد الله
معروفة باسم The Hala، وبتعتبر من أهم الأنفلونسرز، وعندها على انستجرام أكتر من 2 مليون متابع، فهي بتنصح البنات إزاي يهتموا بنفسهم، وبصحتهم، وصحة بشرتهم، وجمالهم. وفي شهر 7 اللي فات، قدمت أول ماركة ليها، واسمها OFA، وهو براند للمجوهرات النسائية من الذهب والألماس، زي السلاسل، والحلقان، والخواتم، والبراند بيعبر عنها وعن التراث.
الين سليمان
الين عندها على انستجرام أكتر من مليون ونص متابع، وبتنصح الناس من خلاله بأساليب الحياة اليومية الصحية، وطرق التعامل مع ضغوطات الحياة، ودايمًا بتحب تظهر على طبيعتها، وماتكونش مزيفة قدام متابعينها. وهي عارضة أزياء، ووجه إعلاني لماركات عالمية.
بيان لنجاوي
بتستخدم بيان حسابها على انستجرام اللي عندها عليه ما يقارب 300 ألف متابع، لعرض اهتمامها بالصحة، والجمال، والتكنولوجيا، وهي مؤسسة متجر Thirty One، وهو متجر للنساء بيقدم اكسسوارات وملابس.