حديقة ماجوريل موجودة في مدينة مراكش بالمغرب في منطقة كليز. واسمها الماجوريل على اسم الرسام الفرنسي جاك ماجوريل اللي بناها، وبدأ تأسيسها سنة 1924. وعلى مدار 40 سنة، حولها لحديقة مناظر طبيعية خلابة، وزرع فيها 135 نوع من النباتات النادرة من 5 قارات مختلفة، ومن ضمنهم الصبار، واليوكا، والياسمين، والنخيل، وأشجار جوز الهند، وأشجار الموز، وزنابق الماء الأبيض، والخيزران، ونباتات تانية كتير، ولون الرسام جدران الحديقة بلونه المفضل وهو الأزرق اللي يعتبر من مميزات الحديقة، وبيدي احساس بالهدوء النفسي.
وفي سنة 1962، توفى الرسام بسبب تعرضه لحادثة، والحديقة كانت في حالة تدهور ملحوظة. وفي سنة 1980، مصمم الأزياء إيف سان لوران، والكاتب الفرنسي بيير بيرجي اشتروا الحديقة، وبدأوا في ترميمها، وتم تركيب أنظمة ري أوتوماتيكية، وزاد عدد أنواع النباتات من 135 ل300.
حديقة الماجوريل بتعتبر من أهم المعالم السياحية لأن فيها متحف إسلامي بيضم قطع آثرية مشهورة بترجع لآلاف السنين، والحديقة كمان معروفة بالنباتات، والأشجار المختلفة والملونة، وموجود فيها بحيرة بتحتوي على كائنات بحرية زي الأسماك الملونة والسلاحف.
توفى مصمم الأزياء إيف سان لوران اللي جدد الحديقة في سنة 2008، وبعد سنتين غيروا اسم الشارع اللي قدام الحديقة لشارع إيف سان لوران تكريمًا له.