أحمد السقا بيحتفل بالذكرى الـ 16 لواحد من أحسن أفلامه “تيتو”
إمبارح على حسابه الشخصي على إنستجرام، الفنان المصري الكبير أحمد السقا نزل صوره من فيلم قديم ليه وكتب “16 سنة يا تيتو”. الفنان كان بيحتفل بمرور 16 سنة على فيلمه الكلاسيكي “تيتو”، اللي ظهر على الشاشات أول مرة في 2004، وكان من أول أفلام الألفية الجديدة اللي تقدم مفهوم البطل بشكل جديد في السينما المصرية والعربية.
الفيلم بيحكي قصة تيتو اللي إتولد في عالم لقى نفسه فيه يتيم ومع الوقت لقى نفسه في إصلاحية الأحداث اللي قضى فيها معظم عمره، وبعد ما خرج تيتو شكل تنظيم عصابي بيشتغل عند ظابط فاسد نفذ بيه كذا جريمة، ودي كانت حياته لحد ما وقع في حب بنت من طبقة أرستقراطية، قام بدورها الفنانة حنان ترك، وبدأ تيتو في رحلة توبة حاول فيها يكفر عن غلطاته، وبالرغم من نهاية الفيلم المآسوية، إلا ده إدى طعم أحلى للفيلم ككل وخلاه من أحسن الأعمال الدرامية للفترة دي.
المعجبين حرصوا على إنهم يعرفوا فنانهم المفضل بإن ده أحسن أفلامه في التعليقات.
السقا دلوقتي شغال على فيلم “أدريانو” اللي بيلعب فيه الشخصية اللي قام بيها من 20 سنة في فيلم “همام في أمستردام”، وده بعد ما انتهى من تصوير فيلمه الأخير “العنكبوت” اللي هيظهر على الشاشات الفترة الجاية.