٧ نصائح تخليك نشيط في الشتاء والبرد

في أكتر وقت في السنة بنكون كسلانين ومش عارفين نقوم من مكاننا، بس في نفس الوقت عندنا حاجات كتير لازم نعملها، وبدل ما نكون بنعملها واحنا تعبانين ومكسلين، لقينا شوية نصائح وطرق بسيطة تساعدنا نكون أكتر نشاط في الشتاء. علشان تقدر نواجه العالم في البرد وتكون نشيط.

دُش دافي الصبح

عن: Fustany

الاستحمام الصباحي بيساعد على الاسترخاء وفي نفس الوقت هيوفرلك نشاط تبدأ بيه يومك، هتصفى ذهنك من التوتر والكسل وتعرف تبتدي يومك بنشاط.

التعرض للشمس والهواء النقي يومياً

علشان تحافظ على نشاط جسمك وتقلل الاحساس بالكسل، لازم تتعرض للشمس خصوصاً في الجو البارد ده، كمان الهواء النقي وتجديده هيساعد جسمك يتخلص من الخمول.

ممارسة الرياضة الصبح

عن: the time

قبل ما تنزل شغلك أو دراستك، ولوقت قصير حتى لو ربع ساعة، ممارسة الرياضة هتحفز النشاط لجسمك وتخليك قادر تواجه يومك بنشاط.

تحديد مهام يومك To Do List

عن: zebra pen

من الحاجات اللي هتساعدك تنجز في يومك أكتر من حاجة وتحس بالنشاط وتحفزك تنفذ حاجات أكتر، إنك تنظم من بداية اليوم الحاجات اللي عايز تعملها في يومك، وتعلم على المهمة اللي أنجزتها، بكده هتتحفز تنفذ أكتر.

عدد ساعات كافية للنوم

في الشتاء طبيعي بيكون الليل أطول من النهار، علشان كده عايزين نحاول نستغل النقطة دي في نظام نوم منتظم يساعدنا إن جسمنا ياخد القدر الكافي من النوم، اللي يخلينا نعرف نعيش يومنا بشكل نشيط طول النهار، بدل ما نكون طول اليوم تعبانين وكسلانين.

خصص وقت قصير للاشيء أول ما تصحى

أيوة زيّ ما قريتها كده، مش بنشجعك تضيع وقت لا، بس الحركة دي هتساعدك تفوق شوية من النوم بدل ما تفضل نعسان وبتعمل snooze للمنبه ١٠ دقائق في ربع ساعة لحد ما تتأخر ويومك يتعطل، علشان كده خد وقت قصير أول ما تصحى ماتعملش فيه أي حاجة، يكون لمحاولة إنك تفوق وتصحصح.

شرب المياه

علشان معظم الوقت بننسى نشرب أصلاً في الشتاء لإن إحساسنا بالعطش قليل بكتير عن الصيف، لكن الحصول على كمية المياه اللازمة للجسم يومياً بيساعده في توصيل الأكسجين للمخ، والمحافظة على نشاط الجسم.

آخر كلمة: الشتاء كمان يحب الحلويات، علشان كده، ماتفوتوش قراءة: من البطاطا لكيكة الشوكولاتة: حلويات بنحبها في الشتاء

تعليقات
Loading...
Tweet
Share
Share
Pin