ياسمين صبري تكشف إزاي برنامج “رامز مجنون رسمي” حذف كلامها عن أبو هشيمة

من ساعت ما إتذاعت حلقة ياسمين صبري مع رامز جلال في برنامج “رامز مجنون رسمي” من 3 أسابيع والناس مش سايبين الممثلة وزوجها في حالهم. مقطع معين من الحلقة اتحول لتريند لما رامز سأل بطلة مسلسل “فرصة تانية” عن سبب حبها لأحمد أبو هشيمة، وفي الحلقة الرد كان “بيضحكني”، الشئ اللي أثار ضجة كبيرة على السوشيال ميديا في مصر، وبدأت تظهر “ميمز” أو “كوميكس” بتتريق على إجابتها، وتطاول البعض وقرر بنفسه إن ياسمين صبري مش صادقة و إن هي “أكيد إتجوزته عشان فلوسه”، وللي ميعرفش ده لإن أبو هشيمة هو واحد من أكبر وأنجح رجال الأعمال في مصر.

التريند فضل شغال فترة مش قليلة، وناس كتير كانت بتدخل في حياة الفنانة ورجل الأعمال الشخصية بشكل مستفز. وبعد صمت استمر لمدة 3 أسابيع، الفنانة ياسمين صبري صرحت لليوم السابع في فيديو عن اللي حصل فعلًا، وقالت إنها شافت الحلقة زيها زي المتفرجين في أول أسبوع في رمضان، ولكن اتفاجئت بحذف جزء كبير اتكلمت فيه عن زوجها كانت بتوضح فيه إنها بتحبه لأسباب كتير منها إنه ناجح وشخصيته قوية وبينهم اهتمامات مشتركة كتيرة وإنه دمه خفيف وبيضحكها، لكن رامز والبرنامج اختاروا يحذفوا كل ده ويسيبوا إنه بيضحكها بس، وده كان سبب في إستيائها الشديد.

أخر كلمة: متنساش تقرأ: رأي شخصي: مش كفاية بقى يا رامز؟.

تعليقات
Loading...
Tweet
Share
Share
Pin