في سنة 1998، واجه المعهد القومى للأورام مشكلة في توفير الدم الآمن الكافي لمرضى السرطان اللي بيتعالجوا في المعهد، لحل المشكلة اضطر المعهد لشراء دم بحوالي 3 مليون جنيه مصري، وعلشان كده كان لازم يكون في حل يوفر الدم الآمن للمعهد طول الوقت.
وعلشان يتحقق الحل ده، اتعاون الدكتور عادل رجب محمد، استشاري نقل الدم ومدير بنك الدم في مستشفى عين شمس التخصصي، والدكتور محمود أبو الفتح، واحد من خبراء نقل الدم في أمريكا، مع جمعية أصدقاء المبادرة القومية ضد السرطان (AFNCI)، علشان يعملوا برنامج (protocol) لتحفيز المتبرعين على التبرع المنتظم بالدم.
كان هدف البرنامج توعية المجتمع بأهمية التبرع بالدم وتغيير المفاهيم المغلوطة عند المواطنين عن التبرع بالدم، بحيث يتم تحفيز الناس على التبرع بالدم من غير خوف أو قلق.
والحملة دي واحدة من حملات كتير كان هدفها الأساسي هو توفير الدم للمرضي اللي محتاجين له، لإن التبرع بالدم عمل إنساني نبيل بيساعد في إنقاذ حياة آلاف من المرضي كل يوم.
واحد من كل عشرة مرضي بيدخلوا المستشفى بيحتاجوا نقل دم، وبالذات المرضى اللي عندهم أمراض مستعصية أو اللي اتعرضوا لحوادث خطرة وفقدوا بسببها كمية كبيرة من الدم، وكمان المرضى خلال العمليات الجراحية الكبيرة.
مراكز التبرع بالدم الخاصة بالهلال الأحمر المصري
لو حابب تكون مشارك في إنقاذ حياة مريض، ممكن تتوجه للتبرع بالدم في واحد من المراكز الرسمية اللي قريبة منك، علشان تتأكد إن الدم اللي هتتبرع به مش هيتم استغلاله.
ممكن تتوجه بالتبرع لمؤسسة الهلال الأحمر المصري، واللي تعتبر جهاز مساعد للسلطات الحكومية في أوقات الحرب والسلام، وبيقوم نشاطها على المجهود الأهلي والتطوعي.
وبتلتزم الجمعية، وهي عضو في الاتحاد الدولي لجمعيات الصليب الأحمر والهلال الأحمر، في شغلها باتفاقيات جنيف وبروتوكولاتها، بالإضافة إلى المبادئ السبعة للحركة الدولية للصليب الأحمر والهلال الأحمر؛ وهي الإنسانية، وعدم التحيز، والحياد، والاستقلال، والخدمة التطوعية، والوحدة، والعالمية.
في القاهرة، بيشرف الهلال الأحمر على مركز الدم المركزي، وعنوانه: 29 شارع الجلاء (أمام قسم الأزبكية)- رمسيس، ورقم التليفون: 25744915 – 25742667
في الإسكندرية: بنك دم الهلال الأحمر المصري، وعنوانه: 154 شارع السوق (باكوس)- الإسكندرية، ورقم التليفون: 035030230 – 035030502
في الغربية: بنك دم الهلال الأحمر المصري، وعنوانه: شارع عتمان محمد- طنطا، ورقم التليفون: 0403335874 – 0403359990
في البحيرة: بنك دم الهلال الأحمر المصري، وعنوانه: شارع الجيش (مشتل كرم- بجوار نادي الكهرباء)- دمنهور،
ورقم التليفون : 0453316496 – 0453331685
في قنا: بنك دم الهلال الأحمر المصري، وعنوانه: شارع الهلال- قنا، ورقم التليفون : 0965325720 – 096532514
مراكز خدمات نقل الدم القومية
خدمات نقل الدم القومية هي شبكة مكونة من 24 مركز لنقل الدم في محافظات مصر، وتبعها عدد من مراكز إقليمية كبيرة وصغيرة وفرعية لخدمات نقل الدم في مختلف أنحاء الجمهورية.
تم تطوير شبكة خدمات نقل الدم المصرية كمشروع بين وزارة الصحة والسكان المصرية ومؤسسة الصليب الأحمر السويسرية، وبتعتمد سياسة خدمات نقل الدم القومية على توفير دم آمن وفعال علشان تلبي حاجة المرضى من الدم ومشتقاته.
وبتنتشر مراكز نقل الدم القومية في مختلف محافظات الجمهورية، ودايمًا هتلاقي واحد من المراكز دي قريب منك، وبتعتمد على أعلى معايير الجودة والتحاليل الطبية اللازمة لنقل الدم، وعلشان كده تقدر تطمن بشكل كامل وأنت بتتبرع بالدم عندهم.
كمان بتساعدك التحاليل اللي بتعملها المركز دي قبل ما تتبرع بالدم، على الاطمئنان على صحتك، لأن في تحاليل دم أساسية لازم تتعمل قبل التبرع، زيّ تحاليل فيروسات الدم وغيرها.
تقدر من خلال الرابط ده تتعرف على أقرب مركز لخدمات نقل الدم القومية التابعة للوزارة، وتقدر تحدد هتروح امتى من خلال التواصل على أرقام التليفونات.
أخيرًا: بنشجعك تتبرع بالدم بشكل دوري، علشان ده حقيقي بينقذ حياة ناس كتير ممكن تموت لمجرد إن مافيش دم يتنقلها، وكمان نقل الدم بيساعدك تطمن على صحتك.