نصايح بسيطة علشان تكون في أمان في رمضان لو بتعاني من أمراض

علشان بطبيعته رمضان شهر مختلف عن السنة كلها، كلنا بنعمل حسابه وبالذات لو لا قدر الله بنعاني من مرض خصوصًا لو مرض مزمن، وعلشان تحافظ على سلامتك في الصيام وفي روتين الشهر ده، هنقولك معلومات بسيطة ونصايح عامة علشان تساعدك تكون في أمان، لكن طبعًا في كل الأحوال لازم تكون متابع مع الدكتور بتاعك وتستشيره في كل اللي يخص حالتك، احنا هنقولك مجرد معلومات عامة سهلة وبسيطة تاخد بالك منها في الشهر ده، وطبعًا لو الدكتور محذرك ومنعك من الصوم، ماتخالفش ده لسلامتك وصحتك.

في البداية بالنسبة لمرضى السكر، علشان هو في الغالب أكتر مرض منتشر وبيعاني منه ناس كتير بطريقة مزمنة، ولازم أسلوب حياتهم كله يكون مناسب علشان مايحصلش مضاعفات للمرض، في رمضان، لو الدكتور في البداية سمح لحالتك بالصيام، فيه حاجات بسيطة لازم تاخد بالك منها، زي إنك تستبدل أنواع العصاير بالفواكه اللي بتحتوي على الفيتامينات والمعادن، وكمان مهم إنك تستعمل زيت الزيتون في أكلاتك بدل من الدهون الضارة وتبعد عنها، وتقلل من المشروبات اللي بتحتوي على الكافيين زيّ الشاي والقهوة، وكمان تقلل من المشروبات الغازية. ضروري تكون وجبتك بتحتوي على كل العناصر الغذائية المختلفة مش بتعتمد على عنصر واحد بس.

عن: web teb

بالنسبة لمرضى الضغط، هو منتشر بطريقة كبيرة لشريحة كبيرة ومختلفة من الناس بكل الأعمار، سواء اللي بيعانوا من ارتفاع في ضغط الدم أو انخفاض فيه، لازم ياخدوا بالهم من حاجات مهمة في خلال شهر رمضان، أولهم المواظبة على الأدوية بالمواعيد اللي بيحددها الدكتور بالنسبة لمواعيد الفطار والصيام في أيام رمضان، وبالنسبة لمرضى الضغط المرتفع، لازم يبعدوا بقدر الإمكان عن الأكل المالح والمخللات، وكمان تجنب الأكل المقلي واللي بيحتوي على دهون ودسم عالي، وشرب كمية كبيرة من المياه، تكون متقسمة على فترات ما بين الفطار والسحور، أما أصحاب الضغط المنخفض، مهم جدًا الحفاظ على شرب كمية من المياه والسوائل ماتقلش عن لترين في الفترة بين الفطار والسحور، وتجنب التعرض للشمس والاستحمام بمياه سخنة، وكمان ضروري أكل الموالح والمخللات علشان تساعد في رفع ضغط الدم بشكل طبيعي.

أما مرضى القلب، فبعد استشارة الدكتور لو سمح للحالة بالصيام، لازم ياخدوا بالهم من إن الوجبات بعد الفطار تكون خفيفة ومتوزعة على أكتر من وجبتين على أوقات متفرقة، علشان المعدة ماتكونش مليانة وتجهد القلب، كمان يفضّل البعد عن الأكل المالح والغني بالدهون المشبعة والكوليسترول، لكن بشكل عام، الصيام يعتبر مفيد لمريض القلب اللي حالته تسمح بالصيام، لإن امتناع المريض عن الأكل لما يقارب 14 ساعة يوميًا بيعمل على خفض المجهود اللي بيقوم بيه القلب في ضخ الدم للمعدة، وكمان بتقل نسبة الدهون في الدم فبيتحسن عمل القلب.

عن: web teb

آخر كلمة: ماتفوتوش قراءة: لتعويض قلة الترطيب في رمضان: وصفات طبيعية للعناية بالبشرة

تعليقات
Loading...
Tweet
Share
Share
Pin