نصايح للسواقة في الشبورة والضباب.. وإزاي تتفادى الصدمات وتقلل خطرها

السواقة في جو الشتاء خصوصًا مع وجود الضباب والشبورة والتراب في أوقات كتير بتكون صعبة ومعرضة لمخاطر كتير، ومع تحذيرات الأرصاد لكن أوقات بنكون مضطرين للخروج لأسباب كتير، لكن إزاي نتفادى مخاطر السواقة والاصطدامات، أو لو حتى لقينا نفسنا خلاص على وشك إننا نخبط في عربية تانية أو في أي حاجة، وإزاي نقلل من حدته ومخاطره ونتعامل إزاي بسرعة في موقف زيّ ده؟

عن: سيدي
  • تقليل السرعة: أول حاجة لما يكون الجو فيه شبورة أو ضبابي أو تراب، نقلل السرعة ومنسوقش بسرعة زايدة علشان مش بنكون شايفين مدى الطريق بطريقة كافية وممكن نتفاجئ بأي حاجة، علشان كده حافظ دايمًا على السرعة المعقولة، وكمان تخلي بالك من وجود مسافة مناسبة بينك وبين العربيات اللي حواليك وتتفادى التحركات والتوقف المفاجئ.
  • لو سايق وحاسس إنك خلاص هتخبط في عربية جاية من الاتجاه المعاكس، ابذل كل جهدك علشان تتفادى الاصطدام، لإن لما تخبط في جسم ثابت حتى لو كان شجرة، أفضل وأهون من الاصطدام وجهًا لوجه بجسم متحرك، فاعمل كل المحاولات للهروب من الاصطدام بالعربية، حتى لو اضطريت تصطدم بشجرة أو أي جسم ثابت في محاولتك لتفادي العربية.
  • في حالة الاصطدام بجسم ثابت، حاول تكون الضربة بالمصد الأمامي للعربية، لإن الضربة من الجنب الأيمن أو الأيسر للعربية بتكون أسوأ.
  • لو كان الاصطدام حتمي، احمي رأسك، واضغط ضهرك على الكرسي وشد كل عضلاتك، وركز ايديك على عجلة القيادة، واضغط بصدرك على عجلة القيادة في حالة إنك نسيت تربط حزام الأمان.
  • اللي قاعد على الكرسي الأمامي، لازم يقفل على رأسه بايديه ويميل على الجنب، أما اللي في الكنبة الخلفية يحاول ينزل في الفراغ اللي بين الكنبة والكراسي اللي قدام، وفي حالة وجود أطفال معاك في العربية، لازم تغطيه بجسمك علشان تحميه من أي صدمات.

آخر كلمة: ماتفوتوش قراءة: بتخافي تعملي مشاوير لوحدك؟ جبنالك مجموعة من النصائح وطرق الدفاع عن النفس أثناء رحلتك مع غريب.

تعليقات
Loading...
Tweet
Share
Share
Pin