ميرا سينغ خطفت كل الأنظار في حفل افتتاح دبي بأدائها المبهر وهي بتمثل دور المرأة الإماراتية في بناء المستقبل، اعتبرها الجمهور بطلة الحفلة وبطلة كل العروض اللي اتقدمت، برغم صغر سنها بس عرفت تسيب بصمة وتلفت الانتباه في حفل مهم وضخم زيّ ده، بيحضره نجوم وضيوف من كل دول العالم.
ميرا سينغ اتولدت في الإمارات لأب هندي وأم بيلاروسية، وعاشت في البلد من ساعة ما اتولدت، وقع اختيارها من بين أطفال كتير علشان تشارك في الحفل المميز ده وهي لسه عندها 11 سنة، وبجانب الأداء المتمكن ده، هنلاقي إن عندها مهارات تانية ميزتها زيّ العزف على البيانو والغنا ورقص الباليه والهيب هوب، ده غير إنها احترفت في مجال عروض الأزياء وهي عندها ست سنين وشاركت في إعلانات تجارية كتير في السن الصغير ده. ودي ماكانتش أول مرة ميرا تشارك في حدث مهم لدولة الإمارات، سبق وشاركت في العيد الوطني الإماراتي الـ ٤٨.
إكسبو دبي يعتبر من أهم وأول الأحداث اللي اتعملت من وقت الجائحة، فعالياته هتستمر من ١ أكتوبر لحد ٣١ مارس، اعتبره الجمهور تحفة فنية وخليط من العروض الفنية والبصرية والموسيقية قدمها نخبة من أفضل الفنانين منهم حسين الجسمي واللي اعتبروه سفير إكسبو، وعازف البيانو الصيني ذائغ الصيت، ومغني الأوبرا أندريا بوتتشيلي وغيرهم من النجوم اللي قدموا عروض ماتتنسيش خلال الحفل.
إكسبو دبي هيقدم تجربة 182 يوم من الفعاليات المؤثرة واللي هتعبر عن أجمل ما قدمه مجالات الفن والموسيقى والهندسة المعمارية والتقنية في جميع أنحاء العالم.