“مو” متحور جديد لفيروس كورونا تحت رادار منظمة الصحة العالمية

كشفت منظمة الصحة العالمية عن سلالة جديدة متحورة من فيروس كورونا أطلقوا عليها “مو” تم رصد أول حالة منها في كولومبيا في يناير اللي فات وبقت تحت مراقبة المنظمة من وقتها، لإنهم لقوا فيها طفرات ممكن تعمل نوع من أنواع الهروب المناعي، يعني المتحور “مو” هيبقى قادر كمان إنه يقاوم مفعول اللقاحات زيّ استرازينيكا وسينوفارم وفايزر.

ودي مش أول مرة نشوف فيها متحورات للفيروس، في نهاية 2020 شوفنا متحورات كتيرة من الفيروس وده اللي عمل خطر أكبر على الصحة العامة وخلى منظمة الصحة تعمل قائمة بالمتحورات دي وتراقبها لإنها بتظهر بسرعة كبيرة، ولحد دلوقتي تم رصد أربع متحورات من فيروس كورونا، من بينهم المتحور “ألفا” واللي انتشر أول مرة في بريطانيا ومن بعدها بقى في 193 دولة.

ومتحور دلتا واللي انتشر في 170 دولة، واتعرف بإنه يقدر يعيش في المياه لمدة 72 ساعة وده معناه إننا عندنا متحور جديد من الفيروس يقدر يتنقل من خلال الهوا والمياه. وأشارت منظمة الصحة العالمية إن كل الفيروسات قادرة إنها تتحور مع الوقت زي فيروس كورونا لإن هو يعتبر نسخة متحورة من سارس كوفيد واللي كان أشد شراسة، وعلشان كده كان لازم يتعمل دراسات من أول لحظة، علشان يقدروا يفهموا إزاي السلالات المتحورة بتأثر على خصائص الفيروس من حيث سرعة انتشاره وأعراضه وتأثيره على الجسم.

أخر كلمة: ماتفوتوش قراءة: 6 حاجات لازم تعرفها عن فصيلة كوفيد-19 الجديدة “ديلتا”

تعليقات
Loading...
Tweet
Share
Share
Pin