من ريا أبي راشد لأحمد أمين.. نجوم بيشاركوا في قصصنا بالعربي

“قصصنا بالعربي” هاشتاج جديد وحملة بيشارك فيها النجوم والفنانين اللي بنحبهم، اتعملت من مبادرة “Save The Children Egypt“، وكمان بالاشتراك مع مبادرة حادي بادي اللي هي ضمن حملة حمايتك أمانهم، علشان نهتم أكتر بالقراية لأطفالنا، ونرّجع تاني عادة جميلة اتعودنا عليها في صغرنا إحنا والأجيال اللي قبلنا، لكنها للأسف ابتدت دلوقتي تختفي في وسط عصر السرعة والتكنولوجيا والأطفال اتعودت على الانشغال بالألعاب على الموبايل والسوشيال ميديا كمان، عايزين نرجع تاني للحواديت والقراية والتخيل مع كل قصة بنحكيها ونسيب خيال أطفالنا كمان ينطلق في حاجات جديدة.

هاشتاج قصصنا بالعربي بيشارك فيه مشاهير وفنانين ومذيعين كمان بنحبهم وأكيد هنحب نسمع قصص بصوتهم وأدائهم، إحنا كمان مش بس الأطفال، ومشاركة النجوم في حكي الحواديت دي هيخلي الأطفال تحب تسمع الحواديت والقصص بصوت وأداء الممثلين والمشاهير اللي بيحبوهم، ودي هتكون بداية قوية لحب الأطفال للقراية والقصص.

كمان لما الأطفال يشوفوا إن النجوم اللي بيحبوهم زيّ ريا أبي راشد، بيقروا القصص بالشكل الجميل ده، هيتشجعوا يجربوا ده مع أهلهم بمتعة وشغف.

وكمان بصوت مذيعة راديو وممثلة متعودين على صوتها زيّ مريم الخشت، وخصوصًا إنها شاركت في دبلجة أفلام كارتون كتير، أكيد الأطفال هتحب تسمع القصص بصوتها.

Save with stories أو قصصنا بالعربي، هو الهاشتاج اللي هتلاقي عليه كل المشاركات من النجوم اللي لسه بيزيدوا كمان كل يوم، تقدر تتابعه على انستجرام، وتشوف قصص بأداء وصوت ممثلين وفنانين ونجوم بنحبهم باختلاف مجالهم الفني لكن هتحب تسمع منهم القصص.

آخر كلمة: ماتفوتوش قراءة: عايز تسمع حدوتة أو تسمعها لابنك؟ بودكاستس مختلفة للحواديت على أنغامي

تعليقات
Loading...
Tweet
Share
Share
Pin