معبد السرابيوم: من أكتر الآثار المحيرة في العالم، وليه اسمه معبد الأسرار؟

مصر معروفة بإنها كنز للحضارة والآثار، ولحد دلوقتي الاكتشافات مابتخلصش، وفيه كمان آثار ومعابد مش مشهورة، منهم معبد السرابيوم اللي اتسمى بمعبد الأسرار أو معبد الألغاز، اللي موجود في سقارة في الجيزة، وبيتكون من مجموعة من الأنفاق والسراديب بطول 400 متر، محفور في قلب صخر هضبة سقارة، وبيبدأ بممر طويل بيؤدي لسلالم. والسر في الممرات والتوابيت اللي موجودة فيها.

المعبد ده يعتبر لغز محير للعلماء والمتخصصين في علوم المصريات، وده لأسباب مختلفة، من وجود توابيت بعدد كبير فيه بيوصل لـ 26 تابوت، وكمان إنها مصنوعة من الجرانيت شديد الصلابة، وبحجم ضخم، ده غير إن المعبد بتتجاوز سراديبه وأنفاقه 400 متر وده طول كبير جدًا، أو كمان الهندسة الفريدة المستخدمة فيه واللي كانت موجودة في القرن الثالث قبل الميلاد، وده يعتبر إعجاز علمي وهدنسي، كل الأسباب دي بتخلّي المعبد ده لغز، وتم تسميته بمعبد الأسرار أو الألغاز للأسباب دي.

لكن إيه معنى “سرابيوم” نفسها؟ السرابيوم ده اسم بيطلق على كل معبد أو هيكل ديني مخصص لعبادة إله الوحدانية سيرابيس، ودي كانت عبادة مقدسة في مصر في العصر اليوناني، بتجمع بين إلهين من آلهة مصر القديمة، وهما أوزوريس وأبيس. والهدف منها إنهم يخلوا المواطنين اللي من أصول إغريقية يشتركوا في عبادة الإله الحامي اللي بيجمع بين صفات الإلهين الإغريقيين “زيوس وهاديس” مع صفات الإلهين المصريين “أوزوريس وأبيس”.

أنفاق السرابيوم ليها باب واحد يُعتبر هو المدخل والمخرج، على استقامة واحدة، والرؤية جوا الأنفاق حتى مع وجود الشمس ضلمة، وكمان مفيش أي أثر لوجود مشاعل كانت متعلقة على جدران النفق، وده بيطرح تساؤل مهم ومحير كمان، هل كان فيه وجود للكهرباء في مصر زمان؟ وإزاي بنوا الأنفاق بالشكل ده؟ لإن الأنفاق مش محفورة في الرمل، محفورة في صخور سقارة، وده مجهود خرافي مضاعف، صعب نصدق إنه تم تنفيذه باستخدام اليد البشرية فقط، وده كمان بيطرح تساؤل تاني، هل تم صناعتها بآلات قوية ومتقدمة؟

آخر كلمة: ماتفوتوش قراءة: متاحف مطار القاهرة الدولي: أهم الآثار المعروضة وازاي بيخدم السياحة في أقرب مكان للسياح

تعليقات
Loading...
Tweet
Share
Share
Pin