كل اللي محتاج تعرفه عن الحملة القومية التانية للتطعيم ضد شلل الأطفال

أطلقت الدكتورة هالة زايد وزيرة الصحة والسكان النهارده الموافق 28 مارس، الحملة القومية للتطعيم ضد شلل الأطفال من مركز طبي حي الأسمرات للأطفال المصريين وغير المصريين المقيمين في مصر من سن يوم واحد ولحد 5 سنين بالمجان، وهتستمر الحملة لمدة 4 أيام لحد يوم 31 مارس، وبتهدف الحملة لتطعيم 16.7 أكتر من 16.5 مليون طفل، وبيشارك في الحملة 90 ألف شخص من الفرق الطبية.

وصرح الدكتور خالد مجاهد المتحدث الرسمي للوزارة بأن تطعيم الأطفال بيتم عن طريق جرعتين متتاليين لرفع المناعة ومكافحة مرض شلل الأطفال، خصوصًا إنه بدأ يظهر المرض في بلد قريبة من الشرق الأوسط. فوضح إن بعد نجاح الحملة الأولى واللي نجحت في تطعيم حوالي 16.5 مليون من ضمنهم 17 ألف طفل من غير المصريين، هتكمل الحملة التانية في جميع محافظات مصر.

وبالنسبة لأماكن ومواعيد الحملة التانية للتطعيم فبتكون من الساعة 8 الصبح لحد الساعة 5 بليل، وبتكون من خلال مكاتب الصحة والوحدات والمراكز الصحية والمياديين الكبرى ومحطات القطارات ومترو الأنفاق وجنب المساجد والكنايس والنوادي والأسواق ومواقف الأتوبيسات والسيارات، أما للتطعيم في القرى، فبيتم التطعيم من خلال المرور على البيوت للتأكد من الوصول لجميع الأطفال المستهدفة.

اليوم بدأت الحملة القومية الثانية للتطعيم ضد مرض شلل الأطفال، وتستمر حتى الأربعاء 31 مارس، للأطفال من عمر يوم وحتى 5…

Posted by ‎وزارة الصحة والسكان المصرية‎ on Saturday, March 27, 2021

وبتيجي الحملة دي ضمن حملات التطعيم اللي بتقوم بيها وزارة الصحة والسكان بشكل سنوي للحفاظ على مصر من المرض وفي إطار رؤية الرئيس عبدالفتاح السيسي للنهوض بالصحة العامة. وذكر الدكتور علاء عيد رئيس قطاع الطب الوقائي إن بيتم عقد اجتماع مسائي لجميع المشرفين لمراجعة أعمال الحملة بشكل يومي. وذكر كمان إن منظمة الصحة العالمية أعلنت إن مصر خالية من مرض شلل الأطفال من سنة 2006، ولسه وزارة الصحة مستمرة في الاهتمام بتنفيذ الحملات القومية لرفع مناعة الطفل بشكل سنوي، علشان تفضل مصر خالية من المرض.

آخر كلمة: ماتفوتوش قراءة: “تحذير من الموجة التالتة لكورونا واستعداد الحكومة لاتخاذ الإجراءات اللازمة“.

تعليقات
Loading...
Tweet
Share
Share
Pin