متحف المستقبل: أيقونة عالمية جديدة في قلب دبي

معجزة معمارية جديدة ممزوجة بالخط العربي بتجمع بين الأصالة العربية والطموح العالمي، متحف المستقبل، بهدف إنشاء معجزات بشرية وعلشان نسيب إبداع يعيش أكتر ما إحنا هنعيش، واللي حصد شهرة عالمية من قبل افتتاحه بسبب تصميمه الفريد من نوعه، ويعتبر أكتر المباني إنسيابية في العالم. وعلى عكس المفهوم المعتاد للمتاحف إنها بتعرض الماضي ورا نوافذ مغلقة، متحف المستقبل هيكون الأول في عرض أفكار المستقبل والتكنولوجيا والمشاريع والتجارب اللي بتمكن الزوار من التعرف على التكنولوجيا المستقبلية اللي هتغير حياة الناس.

عن: صحيفة الوطن

على مساحة 30 ألف متر مربع، وبارتفاع 77 متر، بيتكون المتحف من 7 طوابق، وبيتميز بمعمار فريد من نوعه لإنه بدون أعمدة داخله، علشان كدة بيعتبر علامة فارقة في مجال الهندسة العمرانية. المتحف بيربط بين جسرين، الأول بيمتد لجميرا أبراج الإمارات بطول 69 متر، والتاني بيربطه بمحطة مترو أبراج الإمارات بطول 212 متر، والمتحف مع أبراج الإمارات والمركز المالي العالمي والمركز التجاري، هيكونوا منطقة تعتبر الأكتر إبداعًا وتأثيرًا في صناعة المستقبل ودعم مسيرة التنمية في الإمارات.

View this post on Instagram

شهدت اليوم وضع القطعة الأخيرة على واجهة متحف المستقبل .. المبنى الأكثر إبداعاً في العالم ..30 ألف متر.. سبعة طوابق .. ارتفاع ٧٧ متراً .. وبدون أية أعمدة .. 1024 قطعة لواجهة المبنى مصنوعة كلها بالروبوتات .. أيقونة هندسية عالمية .. تتحدث اللغة العربية .. متحف المستقبل مربوطاً مع أبراج الإمارات والمركز المالي العالمي والمركز التجاري سيشكلون المنطقة الأكثر إبتكاراً وابداعاً وتأثيرا في المنطقة… وهدفنا ليس بناء معجزات هندسية.. هدفنا بناء معجزات بشرية تستطيع بناء مستقبل أفضل لنا.. I reviewed the installation of the final piece of the Museum of the Future, one of the most iconic landmarks in the world.Covering an area of 30,000 sq.m, the 7-storey column-less marvel stands at 77m high, with 1,024 Arabic Calligraphy panels on the façade manufactured by robots. The museum will explore the future trends and opportunities in science, technology and innovation. By making Dubai a testbed for emerging technologies, our aim is not merely to build another architectural marvel, but to build the foundation of tomorrow.

A post shared by Mohammed bin Rashid Al Maktoum (@hhshkmohd) on

متحف المستقبل هيكون أول متحف في الشرق الأوسط حاصل على الإعتماد البلاتيني للريادة في تصميم أنظمة الطاقة وحماية البيئة، وهو أعلى تصنيف للمباني الخضراء في العالم، وده لإن المتحف هيعتمد على الكهرباء اللي بيتم إنتاجها من الطاقة الشمسية، من خلال محطة خاصة بالمتحف تم بنائها بالتعاون مع هيئة كهرباء ومياه دبي.

عن: CNN

واجهة المبني مكونة من 1024 قطعة فنية مصنوعة كلها بالروبوتات بتزين الواجهة بأسلوب هندسي خاص بيوظف أحدث التقنيات في التصميم والإنشاء، كمان الواجهة الخارجية مصممة من زجاج تم تصنيعه بتقنيات مخصوصة لتحسين جودة الإضاءة الداخلية والعزل الحراري الخارجي، وده بيدي منظر جذاب خصوصًا في الليل، وبيحيط بالمتحف حدبقة بتضم 80 نوع وفصيلة من النباتات المختلفة، مزودة بنظام ري ذكي على أحدث مستوي.

آخر كلمة: متفوتوش تجربة زيارة متحف المستقبل أول ما يتم افتتاحه.

تعليقات
Loading...
Tweet
Share
Share
Pin