للحوامل: نصائح من وزارة الصحة للحماية من فيروس كورونا

للأسف الفترة الأخيرة، شوفنا ارتفاع كبير من تاني في حالات الإصابة بفيروس كورونا، وكمان في حالات الوفيات، ومع وجود سلالة جديدة كمان الناس بدأت تخاف أكتر.. وعلشان كده وزارة الصحة والسكان المصرية دايمًا بتنشر أول بأول نصائح مختلفة سواء من الناحية الغذائية أو الإجراءات الاحترازية.. وطبعًا الوضع بالنسبة للحوامل خطر أكتر، لإن المناعة بتكون أضعف، وبالتالي أكتر عرضة للعدوى بالفيروس، وبيبقوا مسئولين كمان عن روح تانية.. فالموضوع أكيد مش سهل أبدًا. فلكل الحوامل، دي مجموعة من النصائح وصت بيهم وزارة الصحة، علشان تساعدك تحافظي على صحتك وتفضلي بخير انتي والجنين.

٨ قواعد ذهبية لتحمي نفسك من #فيروس_كورونا أثناء فترة الحمل👇🏻

Posted by ‎وزارة الصحة والسكان المصرية‎ on Sunday, January 10, 2021

والنصائح كانت بتتناول بعض الإرشادات العامة اللي لازم يتبعها أي شخص في الوقت الحالي، زيّ غسل اليدين، وتجنب لمس الوجه والأسطح، وطبعًا عدم الاختلاط بمجموعة كبيرة من الناس خصوصًا لو في حد منهم مشتبه في أعراض كورونا.. ومن الناحية الغذائية، فمن المهم تناول الكتير من الخضار والفاكهة لأهمية الفيتامينات اللي فيهم، وكمان من المهم استشارة الدكتور المتابع عن إمكانية أخذ فيتامينات ومكملات غذائية علشان تبقى عامل مساعد في تقوية المناعة وتقليل نسب العدوى بالمرض، وبعد إتباع كل ده، مهم كمان على السيدة الحامل إنها تتجنب على قد ما تقدر إنها تنزل من البيت وتختلط بالناس، إلا لو لضرورة قصوى.

آخر كلمة: ماتفوتوش قراءة: “نصايح بسيطة هتحتاجها في العزل المنزلي.

تعليقات
Loading...
Tweet
Share
Share
Pin