كل حاجة محتاج تعرفها عن الدورة التاسعة لبطولة الجونة الدولية للاسكواش

في الدورة التاسعة من بطولة الجونة الدولية للاسكواش البلاتينية اللي بتقام في الفترة من 20 لـ 28 مايو الجاري، بيشارك 96 لاعب من الرجال والسيدات المحترفين للاسكواش، وبتعتبر واحدة من بطولات العالم الأكبر حول العالم في رياضة الاسكواش، من حيث قيمة الجائزة وحجمها ونقاطها اللي بيتم تصنيف اللاعبين الدوليين على أساسها، بمجموع جوائز 300 ألف دولار، والنسخة التاسعة من البطولة السنة دي هي أول حدث يقام على أرض مركز الجونة للمؤتمرات والثقافة، وبيتم إذاعة البطولة دوليًا على أكتر من 70 قناة تلفزيونية.

البطولة دي بيشارك فيها أبطال مصر في الاسكواش، وفي الأيام اللي فاتت في خلال الدورة، اختتمت منافسات دور الـ 32 بتأهل نور الشربيني المصنفة الأولى عالميًا، وخروج مروان الشوربجي حامل لقب بطولة الجونة نسخة 2018 منافسات النسخة الجارية مبكرًا أمام محمد أبو الغار، وتأهل محمد الشوربجي على حساب جريج لوبان بتلات أشواط نظيفة.

وبكده تأهل 9 مصريين في منافسات الرجال وسبع لاعبات من منافسات السيدات إلى ثمن النهائي المقرر إقامته على يومين الأحد والإثنين، والنهارده هيكون ختام الدور الـ 16 للسيدات، هتقابل المصرية هانيه الحمامي المصنفة رقم 7 على العالم مواطنتها ندى عباس المصنفة رقم 33 على العالم، وكان من المفترض يكون في مباراة بين بطلة العالم نور الشربيني المصنفة رقم 1 على العالم، والمصرية يثرب عادل المصنفة رقم 16 على العالم ولكن يثرب انسحبت من البطولة لتتأهل نور الشربيني مباشرة إلى دور ربع النهائي اللي هيقام بكرة.

آخر كلمة: مستنيين نشوف نجاحات أبطالنا لآخر البطولة.. وماتفوتوش قراءة: أفضل 10 لاعبين مصريين في الإسكواش مشرفينا في البطولات العالمية

تعليقات
Loading...
Tweet
Share
Share
Pin