كل اللي محتاج تعرفه عن معرض إيديكس للصناعات الدفاعية والعسكرية

بعد موكب المومياوات وافتتاح طريق الكباش في الأقصر اللي أبهروا العالم كله، النهارده بنعيش نفس اللحظة من تاني لإن بتشهد مصر النهارده حدث جديد ومهم على أرضها، هو افتتاح المعرض الدولي للصناعات العسكرية والدفاعية “إيديكس”. واللي يعتبر أكبر تجمع دولي في مجال الصناعات العسكرية بيتعمل على أرض مصر.

المعرض هيبقى في أكتر من 400 عارض من كل دول العالم علشان يعرضوا أحدث التقنيات في مجالات الدفاع والتسليح من 42 دولة وبحضور وفود رسمية من كبار الشخصيات من 45 دولة وأكتر من 30 ألف زائر للمعرض، وأكتر من 40 وزير دفاع وإنتاج حربي وقائد عسكري من القادة العسكريين حول العالم، ده غير إن المعرض هيشهد طرح سلاح مصري جديد بمشاركة وزارة الدفاع والهيئة العربية للتصنيع والشركة العربية للبصريات وجهاز صناعة الخدمات البحرية وأكتر من 10 شركات تانية هيساهموا في صناعة السلاح الجديد ده.

ومن ضمن المفاجأت اللي هتبقى في إيديكس هو عرض المدرعة المصرية “سينا200” وتطوير المدرعة “إس في 500″، وبتعتبر المدرعة “سينا 200” مدرعة مجنزرة بتضاهي أحدث المركبات في العالم، ده غير إنه تم تزويدها بشبكة علشان تحميها من القذائف الموجهة لها من نوعية RPG، أما عن المدرعة “إس 500” فهي متعددة المهام ولها درجة حماية بتصنف إنها الأعلى في فئتها، بالإضافة إنه هيتم تقديم أنواع مختلفة من الذخيرة لأول مرة محليًا، وتنفيذ خط إنتاج جديد محلي للرشاش.

أخر كلمة: ماتفوتوش قراءة: افتتاح قاعدة 3 يوليو البحرية أكبر قاعدة عسكرية مصرية: كل اللي محتاج تعرفه عنها

تعليقات
Loading...
Tweet
Share
Share
Pin