كل اللي محتاج تعرفه عن أهم الخيام الرمضانية الموجودة السنة دي

بأجواء حلوة وسهر مع العيلة والصحاب واللمة اللي بنستناها بفارغ الصبر، وحوالينا مزيكا وزينة رمضان وبناكل ونشرب كل الحاجات اللي بنحبها ومرتبطة معانا برمضان، بالذات الحلويات، وعلشان نعيش الأجواء دي، بندور على أماكن حلوة وخيم رمضانية نقضي فيها وقت مايتنسيش، وحبينا نساعدكم بأشهر وأحلى الخيام الرمضانية الموجودة السنة دي ونقولكم كل المعلومات اللي محتاجين تعرفوها عنها:

الصحبجية

من أقدم وأشهر الخيام الرمضانية الموجودة في مصر من أواخر التسعينات، وكانت من أول الأماكن اللي تقدم سحور كبير غير الخيمة، والسنة دي الخيمة راجعة مرة تانية من يوم 6 أبريل بأجواء رمضان اللي بنحبها وبفن وترفيه. والسحور هيتقدم من مطعم “تمارا” اللبناني، وهتعيش تجربة السحور اللبناني وأنت بتسمع أشهر المغنيين، زيّ هشام عباس وأحمد سعد ومصطفى حجاج، في جو مختلف ومميز. الخيمة مكانها جنب الجامعة الأمريكية في التجمع الخامس، وتقدر تحجز التذاكر من تيكيتس مارشيه وتعرف النجوم اللي بتحبهم هيغنوا في أيام إيه.

Marrakech

من يوم 7 أبريل، خيمة مراكش هتكون مفتوحة علشان تعيش تجربة سحور من The Smokery وكمان هتسمع مزيكا وأغاني من نجوم زيّ مدحت صالح ومحمود العسيلي، في أجواء رمضانية مستنيين نشوفها يوم الخميس الجاي. الخيمة موجودة في hyde out، والتذاكر موجودة على تيكيتس مارشيه.

ليالينا

لو أنت في الجانب الآخر من المدينة “زايد” يبقى ماينفعش تفوت خيمة ليالينا في Zed Park بكل الأجواء الرمضانية، والمميز فيها إنها مش سحور بس، لا كمان على الفطار، فتقدر تستمتع بفطار في جو مختلف وبعدها تلحق السهرة من أولها، وممكن تحجز للسحور حسب ما تحب. الخيمة افتتاحها هيكون من يوم 7 أبريل، وعلشان تعرف أكتر دي أرقام التواصل: 01555510018 – 01555510016 – 01554755595 – 01554755585.

الخان

في هيلتون هليوبوليس وعلى حمام السباحة، لكن بجو وطابع خان الخليلي، وعلشان كده حتى اسمها “الخان”، وهي خيمة رمضانية مميزة بتجمع بين الاتنين، وهتستمتع بأطباق لبنانية في الفطار أو السحور، وكمان الحلويات الشرقية. وعلشان تحجز مكانك دلوقتي، كلم الأرقام دي: 01025001313 – 0222677730

مولاي

السنة اللي فاتت التجربة كانت في متحف الحضارة المصرية، وشوفنا الأجواء الرمضانية في خيمة مولاي في متحف الحضارة، وعلى بحيرة عين الصيرة. السنة دي مولاي قرروا يعيشونا تجربة مختلفة في قلعة صلاح الدين، مع فترة مختلفة من التاريخ في قلب القاهرة، والسنة دي فطار وسحور. تقدر تحجز على الأرقام دي: 01063450000- 01063460000

The Palace

الافتتاح هيكون 6 أبريل، والمكان في Holiday Inn سيتي ستارز، يعني قريب منك لو Hنت مش بتحب تطرف في آواخر أطراف المدينة. المكان بيستوعب لحد 1000 شخص، وبيقدم كمان فطار وسحور، يعني هتعيش تجربة مختلفة وسط الناس والكل مبسوط بالأجواء دي. تقدر تحجز من الرقم ده: 01067778400.

آخر كلمة: ماتفوتوش قراءة: 5 أماكن للخروج في القاهرة هتعيشك جو رمضاني بريحة التراث والأصالة

تعليقات
Loading...
Tweet
Share
Share
Pin