فوائد زيت الخروع واستخداماته عند الفراعنة

زيت الخروع كانوا بيستخدموه الفراعنة زمان من آلاف السنين، وهو متصنف من أقدم النباتات اللي ليها أثر في الحضارة، وكانوا بيستخدموه في العناية بالبشرة والشعر مع خلطه بزيوت تانية زيّ زيت الزيتون وجوز الهند واللوتس واللوز، والزيت بنجيبه من بذرة نبات الخروع.

عن: elmogaz

وكمان بيساعد في اضطرابات الجلد زيّ حروق الشمس وحب الشباب والتجاعيد والخطوط الدقيقة والجلد الجاف وعلامات التمدد وبيمنع الاتهابات زيّ البثور والدمامل، وهو مرطب كويس للبشرة وبيطهر الجروح، وبيعزز الدورة الدموية للبصيلات، وبيساعد في نمو الشعر، فهو بيحتوي على حمض الأوليك واللينوليك والريزولينك وأوميجا 3 الدهنية المسئولة عن صحة الشعر، وبيعالج التصلب المتعدد ومرض باركنسون والشلل الدماغي وآلام الروماتيزم ومشاكل الجهاز الهضمي والصداع النصفي.. فتعالوا نتعرف على كام وصفة للشعر والبشرة للعناية بيهم.

عن: webteb

حمام الزيوت للشعر

هنخلط زيت الخروع وزيت اللوز وزيت جوز الهند وزيت السمسم وزيت النخاع وزيت الذرة وندعك فروة رأسنا بالخليط، ونسيبه لمدة نص ساعة، ونغسله بالمياه والشامبو، وبنكرر العملية دي مرتين في الشهر.. وده بيساعد في القضاء على الخشونة والتقصف في الشعر الطويل.

زيت الخروع للرموش

لو دهننا رموشنا كل يوم بدهون زيت الخروع ولكن بطريقة خفيفة، هيساعد في تقلها وبرزها.

تلميع وترطيب الشفايف

هنخلطه مع اللانولين، وندهن شفايفنا بيه كل يوم للترطيب.

حمام الياسمين

هنخلط زيت الخروع مع زيت الياسمين، وندلك بشرتنا بيه لمدة 5 دقايق ونغسله بالمياه.

عن: modo3

آخر كلمة: ماتفوتوش قراءة: نبتة الخلود عند قدماء المصريين: إتعرفوا على فوائد الصبار واستخداماته

تعليقات
Loading...
Tweet
Share
Share
Pin