بعد سنين من العزلة.. عروض أزياء في السودان

ابتدت السودان مسيرتها في عالم الموضة والأزياء بعروض أزياء حية بانتظام وحضور مختلط، بعد سنين من العزلة عن المجال ده بسبب تجريمه هناك واقتصاره على حضور النساء فيه بس ومنع التصوير كمان، فمكنش بيخرج للنور، لكن مع التغيير السياسي ومناخ تشجيع الحريات اللي ابتدى ينمو في السودان، ابتدت تنتظم عروض الأزياء في العاصمة الخرطوم وبحضور جماهيري، وده كان ممنوع في السنين اللي فاتت.

وبالترويج للزي السوداني، ابتدت عروض الأزياء وبتنمي تطلعات الناشطات النسويات في مجال تصميم الأزياء، وده بيخلق مجال للإبداع في التصميمات لمختلف أنحاء العالم، وده هيؤدي لتشكيل مورد اقتصادي مهم للبلد، بعد كفاح طويل لمجموعات نسائية طول السنين اللي فاتت علشان يحطوا أقدامهم في عالم عروض الأزياء في السودان، واتمكنوا من إقامة 3 عروض، لكن العروض كانت بتتقام في أماكن مغلقة بحضور النساء فقط، مع منع التصوير بكل أنواعه.

النساء في السودان عندهم مواهب جميلة في الفن ده، والبعض منهم شارك في عروض أزياء كبيرة خارجية في دول زيّ الإمارات، ومصر، والبحرين، وبريطانيا، وجنوب السودان، وكمان دلوقتي المجال بيشهد تطور كبير مع زيادة في عدد العارضات اللي بيقبلوا على المجال ده، ومن المتوقع إن السودان تبتدي تنافس وسط بيوت الموضة العربية والعالمية كمان، بمواهب المصممين اللي ماكنوش واخدين فرصتهم في المجال ده، لكن دلوقتي اتفتح قدامهم الباب لإبداعات وتصاميم يقدر يشوفها العالم كله.

آخر كلمة: ماتفوتوش قراءة: بمناسبة أسبوع الموضة العربي في دبي.. جولة لأفضل أسابيع الموضة في الوطن العربي

تعليقات
Loading...
Tweet
Share
Share
Pin