فازت صورة ” بائع السمك المشوي في كوم الدكة” للمصورة المصرية إيمان عرب، ضمن العشرة الأوائل في مسابقة التصوير العالمية Worldwide PhotoWalk لسنة 2020، الصورة تم اختيارها من بين آلاف الصور المشاركين من جميع أنحاء العالم، والصورة دي هي الوحيدة الفائزة من مصر. المسابقة تعتبر حدث تصوير سنوي بيقام في أول يوم سبت من شهر أكتوبر، في أكتر من 1000 مدينة حول العالم وبيتجمع فيها كل الناس اللي بتحب التصوير؛ وبتتعمل في شكل جولة في منطقة معينة في كل مدينة، ومن الجولة دي بتطلع صور كتير بتعدي في تصفيات لحد اختيار الفائزين. ومن خلال المسابقة بيتجول المصورين في أنحاء بلدهم والمدن فيها وبيلتقطوا صور وبيقدموا أفضلها علشان تشارك في المسابقة.
إيمان عرب من مواليد الإسكندرية، حاصلة على بكالوريوس تجارة، بتحب التصوير الفوتوغرافي وفضّلت إنها تمارسه بشكل أكاديمي، فدرست التصوير في نادي عدسة للتصوير، وحصلت على منحة أكاديمية فيه ، وشاركت في مسابقات ومعارض وورش تصوير كتير وحصدت جوايز كتير فيها،