“سلامتك” أول ابلكيشن لتقسيط العمليات الجراحية في مصر

“متشيلش هم، صحتك أهم” شعار أبلكيشن قرر إنه مش بس يقدم خدمات طبية إلكترونية، لا ده كمان بيتيح لأول مرة خدمة تقسيط العمليات الجراحية بأنظمة دفع مختلفة تقدر تختار منهم اللي يناسبك. وكمان هتقدر تحدد الدكتور والمستشفي بمنتهي السهولة، وتختار نظام التقسيط اللي متاح من 6 أشهر لحد 24 شهر. وبعد ما بتملى بياناتك وبنختار النظام المناسب ليك، بيتواصل معاك مندوب في خلال 48 ساعة، والأوراق المطلوبة عشان طلب التقسيط هي، البطاقة الشخصية، إثبات مصدر دخل، ضامن، إيصال مرافق، و بناءًا على الأوراق دي بيتم تحديد الحد الأقصي للقسط الشهري.

عن: فيسبوك

ولإن في حالات طبية كتيرة مينفعش فيها تأخير، خدمة تقسيط العمليات هدفها تسهيل القيام بأي عملية جراحية مع دكاترة متخصصين في كل المجالات بأحسن سعر، ومع أنظمة تقسيط مختلفة علي فترات سداد مريحة بتوصل ل24 شهر، وكمان متوفر أكتر من 50 ألف منفذ للدفع في كل أنحاء مصر عشان يسهلوا عليك، مهما كانت حالتك الطبية والمالية، فمش هتستنى كتير بعد كدة.

الأبلكيشن بيقدم خدمة تقسيط العمليات لأي عملية جراحية زي عملية تكميم المعدة، وعمليات التجميل، والحقن المجهري، وكمان الولادة الطبيعية والقيصرية، وعمليات زراعة وتركيب الأسنان، وغيرهم من العمليات الجراحية، والعمليات بالتفصيل وأسعارها موجودة علي الأبلكيشن.

وبالإضافة لخدمات التقسيط الجديدة، الأبلكيشن كمان بيقدم خدمات طبية كتيرة، زي خدمة الكشف المنزلي اللي بتوفر للمرضى زيارات منزلية للكشف بدكاترة متخصصين، وكمان خدمة كارت الخصومات المجاني اللي بيوفر عروض و خصومات للخدمات الطبية المختلفة اللي بيقدمها الأبلكيشن.

آخر كلمة: حالتك الطبية مش هتضطر تتأجل بعد كدة.

تعليقات
Loading...
Tweet
Share
Share
Pin