#سكوب_أمل: “باب و شباك”..أمل جديد للبنان

وكإنهم أبواب وشبابيك على الأمل، مبادرة “باب وشباك” في لبنان لإعادة بناء الأبواب والشبابيك المهشمة للبيوت اللي تأثرت بإنفجار لبنان. أكتر من 80 ألف بيت اتدمروا بسبب انفجار المرفأ في لبنان، وفي وسط دعم العالم كله للبلد، قرر مجموعة من الشباب اللبناني إنهم يعملوا مبادرة أهلية لإصلاح أبواب و شبابيك أكبر عدد ممكن من البيوت اللي اتدمرت، ويعيدوا الحياه ليها في وسط ظروف صعبة.

بإيد الشباب، وبدعم وتبرعات الشعب اللبناني، قدرت صفحة مبادرة “باب وشباك” علي الإنستجرام إنها توصل لآلاف المتابعين في وقت قصير جدًا، والمبادرة مش بس بتقبل التبرعات المالية، لكن كمان المتطوعين من العمال، والمهندسين، والمعماريين، والمقاولين، وكل اللي بيشتغلوا في الدهانات والزجاج اللي يقدروا يتطوعوا بوقتهم وشغلهم لصالح المبادرة، ويساعدوا البيوت دي في إنها آمنة مرة تانية وصالحة للمعيشة.

باب وشباك محتاجين دلوقتي متبرعين أكتر قبل دخول الشتاء، علشان هيكون الوضع صعب جدًا علي البيوت المهشمة من غير أبواب وشبابيك تحمي أصحابها من البرد الشديد.

آخر كلمة: تقدروا تدعموا مبادرة باب و شباك في لبنان من هنا.

تعليقات
Loading...
Tweet
Share
Share
Pin