“دي-حواديت”: برنامج سيد رجب الجديد عن التراث المصري على اليوتيوب

الممثل المصري سيد رجب غايب عن شاشة التلفزيون في رمضان السنادي، لكن من الواضح إنه مش واخد إجازة، لإن الفنان الموهوب طلع في برومو على قناة “DX-Media” على اليوتيوب وأعلن إنه شغال على برنامج رمضاني أسبوعي إسمه “دي-حواديت” وفيه هيحكي حكايات من التراث المصري/عربي. البرنامج هيتعرض كل يوم تلات، وهيكون فيه حدوتة جديدة كل أسبوع.

في الكام سنة اللي فاتوا، سيد رجب بقى من أكتر الفنانين المحبوبين على الشاشة المصرية وده لأدواره اللي دايمًا بيكون فيها متألق. وطبعًا مع صوته الهادي وروحه الحلوة، البرنامج ده متوقعين إنه هيكون أكتر من رائع.

قناة “DX-Media” على اليوتيوب التابعة لمهرجان دي-كاف السنوي “مهرجان وسط البلد للفنون المعاصرة” بتنشر محتوى نوستالجي عن ثقافة وتراث المصريين، متنسوش تعملولها متابعة!

أخر كلمة: مستنيين بفارغ الصبر يا استاذ سيد!

تعليقات
Loading...
Tweet
Share
Share
Pin