دينا أيمن أصغر مدير برمجيات في مايكروسوفت ضمن قائمة أكتر الشباب المؤثرين في العالم

أول مديرة مصرية بشركة مايكروسوفت الأمريكية، وأصغر مديرة برمجيات في الشركة، وأصغر أستاذة جامعية في مجال هندسة الكمبيوتر في جامعة نيو جيرسي NJIT ، والسفيرة في مبادرة “حياة كريمة”.. انجازات كتير وألقاب حققتها دينا أيمن المهندسة المصرية اللي تم اختيارها من مجلة فوربس علشان تكون ضمن قائمة أكثر الشخصيات الشابة المؤثرة في العالم تحت سن ٣٠، على مستوى قارة أمريكا الشمالية، لسنة 2022. شابة قدرت توصل لإنجازات ماحدش وصلها قبلها، وكمان في سن صغير.. تعالوا نعرف أكتر عنها.

لدورها الكبير في تمكين النساء ودعمهم وتشجيعهم في مجال الإدارة وكمان في مجال التكنولوجيا، وفي مجال بتمثل فيه البنات والستات حوالي 7 % فقط، ‏في حين إن النسبة الغالبة للرجال.. دينا قدرت تثبت نفسها في مجالها عالميًا وتساعد ستات كتير وتشجعهم، وكمان قدرت تعمل مبادرات في شركة مايكروسوفت، ومبادرات داخل مصر مع وزارة الدولة للهجرة وشئون المصريين بالخارج بالتعاون مع الوزيرة نبيلة مكرم، وبقت سفيرة لمبادرة حياة كريمة للمناطق الأكثر احتياجًا في الريف والحضر، كل دي أسباب تؤهل دينا ليتم اختيارها ضمن أكتر الشباب المؤثرين في العالم.

دينا أيمن مصرية ‏أمريكية اتولدت في ولاية نيوجرسي ‏من أسرة مصرية، ‏اتخرجت بدرجتين في البكالوريوس والماجستير في نفس السنة، ودي حاجة استثنائية لإنها حصلت على الدرجتين في نفس الوقت لإنها كانت من المتفوقين في الكلية، ودي منحة بيتم إعطائها للمتفوقين، وعرضت عليها الكلية إنها تحصل على الماجستير في نفس الوقت اللي بتدرس فيه البكالوريوس في مجال هندسة الكمبيوتر. وبعدها اتخرجت من الكلية واشتغلت في شركة إنتل الأمريكية، وبعدها في شركة مايكروسوفت.

آخر كلمة: ماتفوتوش قراءة: لأول مرة.. المصرية رانيا الغباشي تفوز بجائزة عالمية في تصنيع السيارات

تعليقات
Loading...
Tweet
Share
Share
Pin