جدل على السوشيال ميديا بعد اختيار الممثلة الإسرائيلية جال جادوت لدور كليوباترا

أعلنت الفنانة الإسرائيلية جال جادوت على حسابها بموقع تويتر عن مشاركتها في فيلم تاريخي جديد واللي هتلعب دور فيه دور الملكة المصرية البطلمية كليوباترا. الفيلم هيكون من إخراج باتي جينكينز، ومن إنتاج شركة “باراماونت بيكتشرز”، ومن تأليف ليتا كالوجريديس. وعبرت جال عن حماسها وتشوقها لتأدية الدور باعتبار كليوبترا امرأة قوية، وإن حصولها على الدور كان حلم من أحلام حياتها.

جال جادوت عبرت عن تشوقها لتقديم دور كليوباتر بشكل جديد من وجهة نظر نسوية مختلفة عن المعالجات اللي شوفناها قبل كدا للدور.

ولكن كان رد فعل العرب على منصات السوشيال ميديا المختلفة غاضب، فعبروا على تويتر عن استيائهم، لأن في رآيهم، كليوبترا كانت إمرأة مصرية، فمن المفروض اللي تقوم بالدور تكون ممثلة مصرية أو على الأقل عربية علشان رسالة وقصة الفيلم تكون متوصلة بطريقة صحيحة، وكمان كان في غضب بسبب النزاع العربي الإسرائيلي، فالناس ردوا إن إزاي ممثلة إسرائيلية تقوم بدور رمز مصري قوي.

ولكن معجبي الفنانة جال جادوت ردوا على الغاضبين وقالوا إن فعلًا جال جادوت مش مصرية ولا عربية، ولكنها زي كليوبترا، فكليوبترا كانت من أصول يونانية، وإن جال جادوت ممثلة شاطرة وتستحق الدور.

آخر كلمة: في نظركم، اختيار جال جادوت لدور كليوبترا في محله ولا لأ؟

تعليقات
Loading...
Tweet
Share
Share
Pin