بعد Clubhouse.. أبلكيشن “بيتو” تويتر العرب الجديد

غير التطبيقات اللي بنستخدمها كل يوم بين فيسبوك وانستجرام وتويتر وكمان واتساب، كل يوم فيه جديد في التكنولوجيا وبتظهر تطبيقات كتير جديدة، انتشارها مش بيكون سهل لأسباب كتير، لكن في الفترة الأخيرة انتشر تطبيق Clubhouse ولقينا الناس ابتدت تتفاعل معاه بشكل كبير جدًا، وبعده ظهر أبلكيشن بيتو- Beeto، واللي الناس بتتنبأ إنه هيكون بديل لتويتر خصوصًا في الشرق الأوسط، إيه هما التطبيقات دي؟

عن: Arageek

Clubhouse هو تطبيق تواصل لكن بالصوت بس، ويمكن سبب انتشاره إن الناس زهقت من التواصل بالكتابة بس ومحتاجين يتواصلوا بأصواتهم خصوصًا في وسط إجراءات الحجر الصحي والقعدة في البيت، كمان ظهر أبلكيشن جديد بيطلق عليه تويتر العرب وبيقولوا هيبقى بديل تويتر للعرب، تعالوا نشوف إيه هو.

أبلكيشن بيتو-beeto، حقق انتشار كبير بين المستخدمين العرب خصوصًا في المملكة العربية السعودية، بيقدم نفسه كأول تطبيق موجه لمستخدمي الإنترنت في العالم العربي، وبقوا يقولوا عليه النسحة العربية لموقع التدوينات القصيرة “تويتر”، التطبيق بيوفر خاصية نشر النصوص والفيديوهات والصور، ده غير متابعة التريندات اللي هتوصله بسهولة بمجرد ما تستخدم مصطلح “Beets” المرادف للتغريدات، غير إنه بيجمع مميزات موجودة في تطبيق تيك توك، زيّ تحميل وحفظ كل اللي انت عايز تحمله من تغريدات أو فيديوهات وكمان ممكن تعمل شير منه للواتساب على طول.

آخر كلمة: ماتفوتوش قراءة: الجانب الإيجابي: إزاي السوشيال ميديا اتحولت لمنصة مساعدة الآخرين

تعليقات
Loading...
Tweet
Share
Share
Pin