بعد 6 أيام: نجاح تعويم سفينة “ايفرجرين”.. واحتفالات بقناة السويس

كلنا كنا متابعين مشكلة السفينة التجارية العملاقة ايفرجرين اللي اتزنقت وهي بتعدي من قناة السويس، واحدة من أهم معابر التجارة في العالم، واللي في كلام إن دا حصل بسبب سوء الأحوال الجوية اللي شهدتها مصر في الأيام الأخيرة، وفي كلام تاني إنه لا مش الرياح والأحوال الجوية هي السبب.. وخلال الأيام اللي فاتت الكل كان مهتم وشهد محاولات تعويم السفينة العملاقة الجانحة بالكيلومتر 151 ترقيم قناة. وبعد مرور أيام على الأزمة دي واللي عطلت حركة الملاحة في قناة السويس.. أخيرًا المشكلة اتحلت.

النهارده الصبح أعلن مهاب مميش، مستشار رئيس الجمهورية لمشروعات قناة السويس والموانئ إن محاولات تعويم السفينة الجانحة ايفرجرين نجحت بالفعل وأكد إن القناة هترجع تشتغل بشكل طبيعي بعد إتمام بعض التجهيزات. وانتشرت على السوشيال ميديا صور وفيديوهات كتير للسفينة اللي بدأ تعويمها فجر النهارده من خلال 10 قاطرات اللي كانت بتعمل من أربع اتجاهات مختلفة علشان تحاول تخلي السفينة مستقيمة في المجرى الملاحي.

وشوفنا كمان فيديو لاحتفالات حصلت في قناة السويس بعد نجاح عملية التعويم، وأعلنت شركة إنتش كيب لخدمات الشحن عبر حسابها على تويتر إن سفينة الحاويات العملاقة ايفرجرين اتعومت وجاري تأمينها.. وإن السفينة هتخضع لفحص أولي قبل ما تبحر من تاني.

احتفالات في قناة السويس بعد تعويم السفينة الجانحة

احتفالات في قناة السويس بعد تعويم السفينة الجانحة

Posted by ‎المصري اليوم‎ on Sunday, March 28, 2021

آخر كلمة: لو عايزين تعرفوا تفاصيل اللي حصل من الأول، ماتفوتوش قراءة: ملخص اللي حصل في قناة السويس وآخر التطورات..

تعليقات
Loading...
Tweet
Share
Share
Pin