بعد 35 سنة: “مين يستاهلك” أغنية جديدة لمنير وحميد الشاعري

تخيل ميكس بين سكتين، كل واحدة فيهم أحلى من التانية، لما يبقوا مع بعض هيحصل إيه؟ ده اللي مستنيينه من الأغنية الجديدة “مين يستاهلك” اللي هتجمع بين حميد الشاعري ومحمد منير، بعد غياب 35 سنة، بعد أغنيتهم “أكيد” اللي تم إصدارها في 1986 في ألبوم حميد الشاعري، اللي حمل اسم الأغنية نفسها. الدويتو الجديد بيتم التحضير له دلوقتي، وأول ما سمعنا الخبر اتحمسنا نسمع نوع مختلف من المزيكا، على إيد اتنين من أكبر نجوم الوطن العربي.

“مين يستاهلك” من ألحان فارس فهمي، وكلمات رضا المصري، وتوزيع نديم الشاعري، ومن المقرر طرحها في وقت قريب. مستنيين تبقى أغنية مختلفة، بميكس بين المزيكا اللي الناس بتسمعها دلوقتي، وبين ستايل الشاعري ومنير القديم، مش عارفين نتوقع هيكون نوعها إيه بالظبط، لكن متحمسين ومتأكدين إنها هتبقى أغنية حلوة.

أغنية “أكيد”، اللي اتعملت في التمانينات، وكانت بستايل مميز من فن التمانينات اللي احنا بنحبه، وتعتبر حدث فني مابيموتش، والناس لحد دلوقتي لما بتسمعها بيتمنوا إن منير والشاعري يتعاونوا في عمل فني جديد، حتى إن ده موجود في كومنتات الناس على فيديو “أكيد” على يوتيوب، والأمنية دي بتتحقق دلوقتي، والناس متحمسين يشوفوا نتيجة التعاون بينهم اللي هيكون أيقونة جديدة.

آخر كلمة: ماتفوتوش قراءة: الكينج محمد منير.. السبب في معرفة الشعب المصري باللغة النوبية

تعليقات
Loading...
Tweet
Share
Share
Pin