بعد هنا الزاهد وشقيقتها، تعالوا نشوف أشهر الفنانين الأخوات اللي ظهروا مع بعض

الأسبوع اللي فات أعلنت الفنانة هنا الزاهد إن أختها “فرح” هتشارك في مسلسلها الجديد “حلوة الدنيا سكر” لما نزلت ستوري على حسابها على انستجرام من كواليس المسلسل بتروج ليه.. والمسلسل كوميدي هتقوم هنا الزاهد فيه بتمثيل تسع شخصيات مختلفة في حكايات مختلفة، وهو من إخراج خالد الحلفاوي.. وبالمناسبة دي حبينا نفتكر مين من الممثلين الأخوات اشتركوا مع بعض ومثلوا في عمل فني واحد.

إيمي سمير غانم ودنيا سمير غانم

بنات الفنان الكبير سمير غانم اشتركوا مع بعض في مسلسل في “الـ لا لا لاند”، و”نيللي وشريهان”، وفيلم “إكس لارج”.

أيتن عامر ووفاء عامر

شوفنا الفنانتين مع بعض في مسلسل “الدالي”، و”الطوفان”، ولسه كمان هنشوفهم في مسلسل “هي” اللي هيتعرض في ديسمبر 2020.

أحمد فهمي وكريم فهمي

ظهروا مع بعض في مسلسل “ريح المدام”، وفيلم “ديدو”.

ميس حمدان ومي سليم ودانا سليم

عن: youm7

شاركوا مع بعض في تقديم برنامج “سيسترز سوب” “Sisters Soup”.

عزت أبو عوف ومها أبو عوف

عن: filfan

اشتركوا الفنانين الكبار مع بعض في مسلسل “إمبراطورية مين”.

ليلى وملك أحمد زاهر

عرفناهم بظهورهم سوا في فيلم “عمر وسلمى 2” بدور أخوات برضو.

كريم ومحمد محمود عبد العزيز

عن: youm7

ظهروا مع بعض في مسلسل “جبل الحلال” مع والدهم الفنان الكبير محمود عبد العزيز.

نيللي وفيروز

مثلوا مع بعض في فيلم “عصافير الجنة”.

آخر كلمة: ماتفوتوش قراءة: لقاءنا مع مخرج ومؤلف مسلسل “نمرة اتنين” آدم عبد الغفار.

تعليقات
Loading...
Tweet
Share
Share
Pin